VIDEO | ENGW vs INDW : रिचा घोषचा 'धोनी स्टाईल' स्वॅग होतोय व्हायरल

India Women vs England Women : भारतीय महिला क्रिकेट संघ सध्या इंग्लंड दौऱ्यावर आहे. भारत आणि इंग्लंड महिला क्रिकेट संघात नुकताच पहिला टी 20 सामना खेळवण्यात आला. या सामन्यात भारताला इंग्लंडविरूद्ध 9 विकेट्सनी पराभव सहन करावा लागला. इंग्लंडने पहिल्या सामन्यात भारताचा सहज पराभव केला. मात्र या सामन्यातील एक व्हिडिओ सध्या सोशल मीडियावर व्हायरल होत आहे. हा व्हिडिओ भारताची विकेटकिपर रिचा घोषचा आहे. तिने इंग्लंडच्या फलंदाजाला धोनी स्टाईलने स्टम्पिंग केले. हा व्हिडिओ सध्या व्हायरल होत आहे.

इंग्लंड विरूद्धच्या सामन्यात सातव्या षटकात स्नेह राणाच्या दुसऱ्याच चेंडूवर इंग्लंडची फलंदाज डेनियल वॅटने स्टेप आऊट होऊन एक मोठा फटका मारण्याचा प्रयत्न केला. मात्र स्नेह राणाने चलाखीने चेंडू लेग स्टम्पच्या बाहेर टाकला. यामुळे डेनियलला फटका खेळता आला नाही. दरम्यान, विकेटकिपर रिचा घोषने चपळाई दाखवत लेग स्टम्पच्या बाहेर जाणारा चेंडू पकडून क्षणार्धात बेल्स उडवल्या.

विशेष म्हणजे भारताने संपूर्ण सामन्यात इंग्लंडची ही एकमेव विकेट घेतली. तीन सामन्यांच्या मालिकेत इंग्लंडने भारताचा 9 विकेट्नसी पराभव करत मालिकेत 1 - 0 अशी आघाडी घेतली. प्रथम फलंदाजी करणाऱ्या भारताने 20 षटकात 7 बाद 132 धावा केल्या होत्या. इंग्लंडने हे आव्हान 13 षटकात एका फलंदाजाच्या मोबदल्यात पार केले. भारताकडून दिप्ती शर्माने नाबाद 29 धावांची खेळी केली. इंग्लंडकडून सोफिया डंक्लेने सर्वाधिक 61 धावा केल्या.