Thomas Cup : थॉमस करंडकासाठी भारताचा ताकदवर संघ ; उबेर बॅडमिंटन करंडकातून पी. व्ही. सिंधूची माघार,नवोदितांना संधी

नवी दिल्ली : थॉमस आणि उबेर करंडकासाठी भारताचे संघ जाहीर करण्यात आले. थॉमस करंडकात गतविजेते असल्यामुळे सर्व प्रमुख खेळाडूंची निवड करण्यात आली; तर महिलांसाठी होत असलेल्या उबेर करंडकातून पी. व्ही. सिंधूसह प्रमुख महिला खेळाडूंनी माघार घेतली आहे.

ही स्पर्धा चेंगदू (चीन) येथे २७ एप्रिल ते ५ मे या कालावधीत होणार आहे. पुरुषांसाठी होत असलेल्या थॉमस करंडकात १० खेळाडूंच्या संघात एच.एस. प्रणोय, लक्ष्य सेन, किदांबी श्रीकांत या अनुभवी खेळाडूंचा समावेश आहे.

थॉमस कप : (एकेरी) :एचएस प्रणोय, लक्ष्य सेन, किदांबी श्रीकांत, प्रियांशू राजवत, किरण जॉर्ज. (दुहेरी) : सात्विकसाईराज रंकीरेड्डी, चिराग शेट्टी, एमआर अर्जुन, ध्रुव कपिला आणि साई प्रतीक. उबेर कप : (एकेरी) : अनमोल खरब, तन्वी शर्मा, अस्मिता छलिहा, इशारानी बारुह. (दुहेरी) :श्रुती मिश्रा, प्रिया कोनजेंगबम, सिमरन सिंघी आणि रितिका ठाकर.