IPL 2022 Delhi Capitals : पंतच्या नेतृत्वाखाली दिल्ली कॅपिटल्स इतिहास रचणार?

Delhi Capitals : इंडियन प्रीमियर लीग (IPL) 2022 साठी सर्व संघ सज्ज आहेत. यावेळी अनेक संघ आहेत जे त्यांचे पहिले विजेतेपद जिंकण्याचा प्रयत्न करतील. दिल्ली कॅपिटल्स देखील या संघांपैकी एक आहे. दिल्ली कॅपिटल्सने अद्याप एकही आयपीएल विजेतेपद जिंकलेले नाही. त्यामुळे ऋषभ पंत आणि प्रशिक्षक रिकी पाँटिंगच्या नेतृत्वाखालील इतिहास रचण्याकडे संघाची नजर असेल.

2008 पासून आयपीएलचा भाग असलेल्या दिल्लीने आतापर्यंत फक्त एकदाच अंतिम फेरी गाठली आहे. याआधी संघाची कमान गौतम गंभीर, वीरेंद्र सेहवाग, श्रेयस अय्यर या दिग्गज खेळाडूंच्या हातात आहे. पण जेव्हापासून ऋषभ पंतने जबाबदारी स्वीकारली तेव्हापासून संघाची कामगिरी चांगली होत आहे.

मेगा लिलावात यावेळी संघाने संपूर्ण चेहरा बदलण्याचा प्रयत्न केला आहे. दिल्ली कॅपिटल्सने यावेळी ऋषभ पंत (16 कोटी), अक्षर पटेल (9 कोटी), पृथ्वी शॉ (7.5 कोटी), एनरिक नोर्किया (6.5 कोटी) यांना कायम ठेवले होते. एनरिक नोर्किया, मुस्तफिजुर रहमान, लुंगी एन्गिडी, चेतन साकारिया, खलील अहमद, कमलेश नागरकोटी आणि कुलदीप यादव यांच्यावर दिल्ली कॅपिटल्सच्या गोलंदाजीची जबाबदारी असेल. अक्षर पटेल आणि कुलदीप यादव फिरकी गोलंदाजी सांभाळतील.

आयपीएलमध्ये दिल्ली कॅपिटल्स

•   2008- चौथे स्थान

•   2009- तिसरे स्थान

•   2010- 5वे स्थान

•   2011- 10वे स्थान

•   2012- 3रे स्थान

•   2013- 9वे स्थान

•   2014- 8 वे स्थान

•   2015- 7वे स्थान

•   2016 - सहाव्या स्थानावर

•   2017- 6 वे स्थान

•   2018- 8 वे स्थान

•   2019- 3रे स्थान

•   2020- उपविजेता

•   2021- तिसरे स्थान