चेन्नई सुपर किंग्सला शुक्रवारी (२८ मार्च) रॉयल चॅलेंजर्स बंगळुरू विरुद्ध आयपीएल २०२५ स्पर्धेत ५० धावांनी पराभवाचा सामना करावा लागला. चेपॉक स्टेडियमवर बंगळुरूने तब्बल १७ वर्षांनी विजय मिळवला. चेन्नईचा हा यंदाच्या हंगामातील पहिला पराभव आहे, तर बंगळुरूचा दुसरा विजय आहे.
या सामन्यानंतर पत्रकार परिषदेसाठी न्यूझीलंडचे माजी कर्णधार आणि चेन्नई सुपर किंग्सचे मुख्य प्रशिक्षक स्टीफन फ्लेमिंग उपस्थित होते. साधारणत: शांत स्वभावासाठी फ्लेमिंग यांना ओळखलं जातं. मात्र, यावेळी फ्लेमिंग यांचा पारा एका प्रश्नावर चढल्याचे दिसले.
