इंडियन प्रीमियर लीग २०२५ स्पर्धेत शुक्रवारी चेन्नई सुपर किंग्सला त्यांच्याच घरच्या मैदानात एमए चिदंबरम स्टेडियम (चेपॉक) येथे कोलकाता नाईट रायडर्सकडून पराभवाचा धक्का बसला. कोलकाताने चेन्नईला ८ विकेट्स आणि ५९ चेंडू राखून पराभूत केले.
चेन्नईचा हा यंदाच्या आयपीएल हंगामातील सलग पाचवा पराभव आहे. गेल्या ६ सामन्यांत चेन्नईने सलग ५ पराभव पाहिले आहे. नियमित कर्णधार ऋतुराज गायकवाड दुखापतीमुळे संघातून बाहेर गेल्यानंतर एमएस धोनी या सामन्यातून नेतृत्व करत होता. मात्र त्याच्याही नेतृत्वात संघाला साजेशी कामगिरी करता आलेली नाही.
