डेव्हिड कॉनव्हॉयने बांधली लग्नगाठ; CSK ने शेअर केला खास फोटो

चेन्नई सुपर किंग्जचा (Chennai Super Kings) डावखुरा फलंदाज डेव्हॉन कॉनव्हॉयने (Devon Conway) आपली गर्लफ्रेड किमशी लग्नगाठ (Marriage) बांधली आहे. मुळचा दक्षिण आफ्रिकेचा असलेला मात्र न्यूझीलंडकडून क्रिकेट खेळणाऱ्या डेव्हॉन कॉनव्हॉय काही दिवसांपूर्वीच आयपीएलच्या बायोबबलमधून बाहेर पडला होता. त्याने आपली मातृभूमी दक्षिण आफ्रिकेत लग्नगाठ बांधली. त्याच्या लग्नाचे फोटो सोशल मीडियावर व्हायरल होत आहेत.

या फोटोत कॉनव्हॉय सुटाबुटात टाय घालून उभा आहे. तर त्याची पत्नी किम वॉट्सन (Devon Conway Wife Kim Watson) ही पारंपरिक वेडिंग गाऊन घालून उभी आहे. माध्यामांनी दिलेल्या वृत्तानुसार कॉनव्हॉय आणि किम हे एकमेकांना गेल्या तीन वर्षापासून डेट करत होते. त्यानंतर आता त्यांनी आपले वैवाहिक जीवन सुरू करण्याचा निर्णय घेतला आहे. विशेष म्हणजे चेन्नई सुपर किंग्जने कॉनव्हॉयसाठी एक पारंपरिक प्री वेडिंग बॅश देखील आयोजित केला होता. त्यानंतर डेव्हिड कॉनव्हॉयने आयपीएलचा बायो बबल सोडला होता.

चेन्नई सुपर किंग्जने डेव्हॉन कॉनव्हॉयच्या लग्नाचा फोटो शेअर करून त्याला वैवाहिक जीवनासाठी शुभेच्छा दिल्या आहेत. चेन्नईने ट्विट केले की, 'आम्ही तुम्हाला पती आणि पत्नी घोषित करत आहोत. किम आणि कॉनव्हॉयसाठी #WeddingWhistles (लग्नाची शिट्टी). डेव्हॉन कॉनव्हॉय हा पंजाब किंग्ज विरूद्धच्या सामन्यासाठी सीएसकेसाठी उपलब्ध असणार नाही. तो परतल्यानंतर कोरोना प्रतिबंधक नियमांनुसार त्याला तीन दिवस विलगीकरणात रहावे लागणार आहे.