Chennai Super Kings BEAT Mumbai Indians : चेन्नई सुपर किंग्जने मुंबई इंडियन्सचा सहा विकेट्सने पराभव करत आयपीएल 2023 मध्ये सहाव्या विजयाची नोंद केली आहे. या विजयासह चेन्नईचा संघ गुणतालिकेत दुसऱ्या स्थानावर पोहोचला आहे.
चेन्नई सुपर किंग्जने नाणेफेक जिंकून प्रथम गोलंदाजी करण्याचा निर्णय घेतला आणि मुंबईने चेन्नईसमोर 139 धावा केल्या. चेन्नईने चार गडी गमावून 140 धावा केल्या आणि सामना सहा विकेटने जिंकला.
81 धावांच्या स्कोअरवर चेन्नई सुपर किंग्जची दुसरी विकेट पडली आहे. अजिंक्य रहाणे 17 चेंडूत 21 धावा करून बाद झाला. त्याने आपल्या डावात एक चौकार आणि एक षटकार ठोकला. पियुष चावलाने त्याला विकेट्ससमोर पायचीत केले. मुंबईकडून पियुष चावलाने दोन्ही विकेट घेतल्या. नऊ षटकांनंतर चेन्नईची धावसंख्या दोन गड्यांच्या मोबदल्यात 81 धावा आहे. आता अंबाती रायुडू डेव्हॉन कॉनवेसोबत क्रीजवर आहे.
140 धावांचा पाठलाग करताना चेन्नई सुपर किंग्जने पॉवरप्लेमध्ये एक गडी गमावून 55 धावा केल्या आहेत. ऋतुराज गायकवाड 30 धावा करून बाद झाला. आता रहाणे आणि कॉनवे क्रीजवर आहेत.
दोघेही सावध खेळ करत आहेत आणि मोठी भागीदारी करून आपल्या संघाला लक्ष्याच्या जवळ नेण्याचा प्रयत्न करत आहेत. सात षटकांनंतर चेन्नईची धावसंख्या एका विकेटवर 64 अशी आहे.
140 धावांच्या लक्ष्याचा पाठलाग करताना चेन्नई सुपर किंग्जची फलंदाजी सुरू झाली आहे. ऋतुराज गायकवाड आणि डेव्हॉन कॉनवे ही सलामीची जोडी क्रीझवर आहे. कॅमेरून ग्रीन मुंबईसाठी पहिले षटक करत आहे. 3 षटकानंतर चेन्नईची धावसंख्या बिनबाद 36 धावा आहे.
प्रथम फलंदाजी करताना मुंबई इंडियन्सने चेन्नई सुपर किंग्जसमोर 140 धावांचे लक्ष्य ठेवले आहे. निर्धारित 20 षटकांत मुंबई संघाला आठ गडी गमावून केवळ 139 धावा करता आल्या. मुंबईकडून नेहल वढेराने सर्वाधिक 64 धावा केल्या.
त्याचवेळी सूर्यकुमारने 26 आणि ट्रिस्टन स्टब्सने 20 धावा केल्या. या तिघांव्यतिरिक्त एकाही फलंदाजाला दुहेरी आकडा गाठता आला नाही. त्याचवेळी चेन्नईकडून मथिशा पाथिरानाने सर्वाधिक तीन बळी घेतले. दीपक चहर आणि तुषार देशपांडे यांनी प्रत्येकी दोन गडी बाद केले. रवींद्र जडेजाने एक विकेट घेतली.
69 धावांच्या स्कोअरवर मुंबई इंडियन्सची चौथी विकेट पडली आहे. सूर्यकुमार यादव 22 चेंडूत 26 धावा करून बाद झाला आहे. रवींद्र जडेजाने त्याला क्लीन बोल्ड केले.
मुंबई इंडियन्सचा कर्णधार रोहित शर्मानेही संघ सोडला आहे. मुंबई इंडियन्सच्या संघाला कॅमेरून ग्रीनच्या रूपाने पहिला धक्का बसला. ग्रीन इनिंगची सुरुवात करताना तो एका चौकाराच्या मदतीने चार चेंडूत सहा धावा करून तुषार देशपांडेच्या गोलंदाजीवर बाद झाला.
इशान किशनच्या रूपाने आणखी एक धक्का बसला आहे. किशन नऊ चेंडूत एका चौकाराच्या मदतीने सात धावा करून दीपक चहरचा बळी ठरला आहे.
सीएसकेविरुद्ध तिसऱ्या क्रमांकावर फलंदाजी करताना कर्णधार रोहित शर्मा खाते न उघडता दीपक चहरचा दुसरा बळी ठरला आहे. संघाची धावसंख्या अडीच षटकं संपल्यानंतर तीन विकेट गमावून १४ धावा.
मुंबईची फलंदाजी सुरू झाली आहे. कॅमेरून ग्रीनने इशान किशनसह सलामीला आहे आहेत. रोहित शर्मा मुंबईसाठी ओपनिंग करत नाहीये.
चेन्नई सुपर किंग्ज : ऋतुराज गायकवाड, डेव्हॉन कॉनवे, अजिंक्य रहाणे, मोईन अली, शिवम दुबे, रवींद्र जडेजा, एमएस धोनी, दीपक चहर, मथिशा पाथिराना, तुषार देशपांडे, महेश थिक्शिना.
मुंबई इंडियन्स : रोहित शर्मा, इशान किशन, कॅमेरून ग्रीन, सूर्यकुमार यादव, ट्रिस्टन स्टब्स, टिम डेव्हिड, नेहल वढेरा, जोफ्रा आर्चर, पियुष चावला, आकाश मधवाल, अर्शद खान.
चेन्नई सुपर किंग्जने मुंबई इंडियन्सविरुद्ध नाणेफेक जिंकून प्रथम गोलंदाजी करण्याचा निर्णय घेतला आहे.
चेन्नई संघात कोणताही बदल केला नाही. त्याचवेळी मुंबई संघ दोन बदलांसह मैदानात उतरला आहे. या सामन्यात मुंबईचे टिळक वर्मा आणि कुमार कार्तिकेय खेळत नाहीत. या दोघांच्या जागी ट्रिस्टन स्टब्स आणि राघव गोयल यांना संधी देण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.