
इंडियन प्रीमियर लीग २०२५ स्पर्धेत पंजाब किंग्स विरुद्ध दिल्ली कॅपिटल्स सामना गुरुवारी (८ मे) धरमशाला येथील हिमाचल प्रदेश क्रिकेट असोसिएशन स्टेडियमवर होणार होता. या सामन्याला पावसाच्या व्यत्ययाने साधारण तासाभर सुरू होण्याला उशीर झाला होता.
त्यानंतर पंजाब किंग्सने नाणेफेक जिंकून प्रथम फलंदाजी करण्याचा निर्णयही घेतला. पंजाबने प्रथम फलंदाजी करताना १०.१ षटकात १ बाद १२२ धावा केल्या होत्या. पण याचदरम्यान सामना अचानक थांबवण्याचा निर्णय घेण्यात आला.