मंगळवारी (२५ मार्च) गुजरात टायटन्स विरुद्ध पंजाब किंग्स संघात आयपीएल २०२५ मधील पाचवा सामना अहमदाबादमधील नरेंद्र मोदी स्टेडियमवर खेळवला जात आहे. या सामन्यात पंजाब किंग्सने गुजरातसमोर विजयासाठी २४४ धावांचे लक्ष्य ठेवले आहे.
पंजाबसाठी पहिला सामना खेळणाऱ्या श्रेयस अय्यरने कर्णधारपदाला साजेसा खेळ केला. मात्र त्याचे शतक फक्त ३ धावांनी हुकले. खरंतर त्याला शतक करण्याची संधी होती, पण त्याने आधी संघाला प्राधान्य दिल्याचे दिसले.
