Hardik Pandya: हार्दिक पांड्याची मैदानात अरेरावी... स्ट्राईकवर असलेल्या खेळाडूला बोटाने इशारा

गतविजेत्या गुजरात टायटन्सचा कर्णधार हार्दिक पांड्या सध्या क्रिकेट विश्वात चांगलाच चर्चेत आला आहे. आत्तापर्यंत अनेकदा क्रिकेटच्या मैदानात आपल्या सहकाऱ्यांना दिलेली वागणूक सर्वांनी पाहिलीय. हार्दिकने आता पुन्हा एकदा नेटकऱ्यांचा रोष ओढून घेतला आहे. (IPL 2023 gujrat titans captain hardik pandya angry video viral )

विजय शंकर आणि डेव्हिड मिलर यांनी ऐन मोक्याच्या क्षणी टॉप गीअरमध्ये फलंदाजी केल्यामुळे गतविजेत्या गुजरातने कोलकता नाईट रायडर्सचा सात विकेटने पराभव करून सलग तिसरा विजय मिळवला. पण हार्दिकचा एका व्हिडीओ सध्या तुफान व्हायरल होताना दिसत आहे. लाईव्ह मॅचदरम्यान, पांड्याची मैदानात अरेरावी पाहायला मिळाली.

नेमकं काय घडलं?

१३ व्या ओव्हरदरम्यान, हार्दिक पांड्या गोलंदाजी करत होता. त्याच्या पहिल्या चेंडूवर अफगानिस्तान रहमानुल्लाह गुरबजने षटकार ठोकला. यानंतर तो पांड्याला नॉन स्ट्रायकर एंडवर धरून काहीतरी सांगण्याचा प्रयत्न करताना दिसत आहे. पण रनअपवर परतत असताना पांड्या त्याच्याकडे रागाने बोट दाखवताना दिसला. दोघांच्यात नेमकी चर्चा काय घडली हे समजू शकले नाही.

हार्दिक पांड्याची ही भूमिका पाहता चाहते त्याच्यावर नाराज झाले आहेत. टीम इंडियाचा टी-20 कर्णधार हार्दिक खूप गर्विष्ठ झाला आहे अशी प्रतिक्रिया सोशल मीडियावर व्यक्त करण्यात येत आहे.

यापूर्वी ऑस्ट्रेलियाविरुद्धच्या वनडे मालिकेतील पहिल्या सामन्यातही हार्दिक पांड्याने कर्णधारपद भूषवले होते. यादरम्यान विराट कोहलीला मैदानात त्याच्याशी काही बोलायचे होते, पण तो त्याचे न ऐकता निघून गेला. याआधी कॅप्टन कोहलीही संतापला.