IPL 2024, CSK vs RCB: चेन्नई की बेंगळुरू, कोणाचं पारडं राहिलंय जड? कशी असेल संभावित प्लेइंग-11, घ्या जाणून

IPL 2024, CSK vs RCB: इंडियन प्रीमियर लीग 2024 स्पर्धेत पहिला सामना चेन्नई सुपर किंग्स विरुद्ध रॉयल चॅलेंजर्स बंगळुरू संघात होणार आहे. शुक्रवारी चेन्नईतील एमए चिदंबरम स्टेडियमवर हा सामना खेळवला जाणार आहे.

या सामन्याने आयपीएलच्या 17 व्या हंगामाला सुरुवात होईल. या सामन्यापासून चेन्नई सुपर किंग्स संघाचे नेतृत्व ऋतुराज गायकवाड करणार आहे. तसेच चेन्नई संघातून रचिन रविंद्र पदार्पण करण्याची शक्यता आहे. याशिवाय चेन्नईच्या प्लेइंग इलेव्हनमध्ये नवे चेहेरे दिसण्याची शक्यता कमी आहे. एमएस धोनी या सामन्यापासून केवळ यष्टीरक्षक फलंदाज म्हणून खेळताना दिसेल.

तसेच बेंगळुरू संघात फलंदाजी फळीत कर्णधार फाफ डू प्लेसिससह विराट कोहली, ग्लेन मॅक्सवेल रजत पाटीदार हे कायम राहू शकतात. याशिवाय या सामन्यातून कॅमेरॉन ग्रीनचे बेंगळुरू संघाकडून पदार्पण होऊ शकते.

मात्र, बेंगळुरूला एका अनुभवी फिरकी गोलंदाजाची कमी भासू शकते. त्यांच्याकडे रिस टोप्ली, मोहम्मद सिराज आणि आकाश दीप असे चांगले वेगवा गोलंदाज आहेत.

आमने-सामने आकडेवारी

चेन्नई सुपर किंग्स आणि रॉयल चॅलेंजर्स बेंगळुरू संघात आत्तापर्यंत 31 सामने खेळवण्यात आले आहेत. त्यातील चेन्नईने 20 सामने जिंकले आहेत, तर 10 सामने बेंगळुरू संघाने जिंकले आहेत. एका सामन्याला निकाल लागलेला नाही.

आयपीएल 2024 स्पर्धेतील पहिल्या सामन्यासाठी संभावित प्लेइंग इलेव्हन

• चेन्नई सुपर किंग्स - ऋतुराज गायकवाड (कर्णधार), रचिन रविंद्र, मोईन अली, शिवम दुबे, अजिंक्य रहाणे, रविंद्र जडेजा, एमएस धोनी (यष्टीरक्षक), शार्दुल ठाकूर, दीपक चाहर, मिचेल सँटेनर, महिश तिक्षणा.

• रॉयल चॅलेंजर्स बेंगलोर - फाफ डू प्लेसिस (कर्णधार), विराट कोहली, रजत पाटीदार, ग्लेन मॅक्सवेल, कॅमेरॉन ग्रीन, महिपाल लोमरोर, दिनेश कार्तिक (यष्टीरक्षक), अल्झारी जोसेफ, मयंक डागर, आकाश दीप, मोहम्मद सिराज.