चेन्नई सुपर किंग्सला रविवारी वानखेडे स्टेडियमवर मुंबई इंडियन्सविरुद्ध ९ विकेट्सने पराभूत व्हावं लागलं. चेन्नईचा हा इंडियन प्रीमियर लीग २०२५ स्पर्धेतील सहावा पराभव आहे. पण असे असले तरी रविवारी चेन्नईकडून पदार्पण करणाऱ्या १७ वर्षीय आयुष म्हात्रेने सर्वांना प्रभावित केले.
मुंबईतील विरारमध्ये राहणाऱ्या आयुषला रविवारी चेन्नईने पदार्पणाची संधी दिली. त्यामुळे तो आयपीएलमध्ये पदार्पण करणारा चेन्नई सुपर किंग्सचा सर्वात युवा खेळाडू ठरला.
