रॉयल चॅलेंजर्स बंगळुरूची अखेर १८ वर्षांची प्रतिक्षा इंडियन प्रीमियर लीगच्या १८ व्या हंगामात (IPL 2025) संपली. बंगळुरूने अहमदाबादमधील नरेंद्र मोदी स्टेडियमवर मंगळवारी (३ जून) अंतिम सामन्यात पंजाब किंग्सला अवघ्या ६ धावांनी पराभूत करत पहिल्या आयपीएल विजेतेपदाची चव चाखली.
रजत पाटिदार बंगळुरूला विजेतेपद जिंकून देणारा पहिला कर्णधार ठरला. त्याने यापूर्वीच सांगितले होते की बंगळुरू संघाला विराट कोहलीसाठी ही ट्रॉफी जिंकायची आहे.
