इंडियन प्रीमियर लीग २०२५ स्पर्धेचा पाचवा सामनाही रोमांचक झाला. मंगळवारी अहमदाबादच्या नरेंद्र मोदी स्टेडियमवर झालेल्या या सामन्यात पंजाब किंग्सने गुजरात टायटन्सला शेवटच्या षटकात ११ धावांनी पराभवाचा धक्का दिला. यासह श्रेयस अय्यरच्या नेतृत्वात पंजाबने विजयी सुरुवात केली आहे. श्रेयसचे पंजाबच्या विजयात मोलाचे योगदानही राहिले.
या सामन्यात पंजाब किंग्सने गुजरातसमोर २४४ धावांचे लक्ष्य ठेवले होते. या लक्ष्याचा पाठलाग गुजरातला २० षटकात ५ बाद २३२ धावा करता आल्या. त्यांच्याकडून साई सूदर्शन आणि जॉस बटलर यांनी चांगली झुंज दिली, पण त्यांना संघाला विजय मिळवून देता आला नाही.
