शनिवारी (५ एप्रिल) राजस्थान रॉयल्सने पंजाब किंग्सला आयपीएल २०२५ स्पर्धेत ५० धावांनी पराभवाचा धक्का दिला. हा राजस्थान रॉयल्सचा यंदाच्या हंगामातील दुसरा विजय ठरला. या विजयात वेगवान गोलंदाज जोफ्रा आर्चरने मोलाचा वाटा उचलला. त्यामुळे त्याला सामनावीर पुरस्कारही मिळाला. या सामन्यात जोफ्रा आर्चरच्या झोपेचीही चांगलीच चर्चा रंगली.
झाले असे की या सामन्यात पंजाब किंग्सने नाणेफेक जिंकून प्रथम गोलंदाजी करण्याचा निर्णय घेतला होता. त्यामुळे राजस्थान रॉयल्स संघ प्रथम फलंदाजीसाठी उतरले. राजस्थानकडून कर्णधार संजू सॅमसन आणि यशस्वी जैस्वाल यांनी दमदार सुरुवात करताना पहिल्या १० षटकात विकेट जाऊ दिली नव्हती.
