पाचवेळचे विजेते चेन्नई सुपर किंग्स सध्या त्यांच्या कामगिरीमुळे चर्चेत आहे. त्यांना आयपीएल २०२५ मध्ये सातपैकी दोनच सामन्यात विजय मिळवता आला होता. त्यांनी सलग पाच पराभव स्वीकारल्यानंतर सोमवारी (१४ एप्रिल) अखेर लखनौ सुपर जायंट्सविरुद्ध विजय मिळवला.
एकाना स्टेडियमवर झालेल्या या सामन्यात चेन्नईने ५ विकेट्सने विजय मिळवला. यात शिवम दुबे आणि कर्णधार एमएस धोनी यांच्यात झालेली भागीदारी महत्त्वाची ठरली होती. दरम्यान, या सामन्यावेळी मुंबई इंडियन्सचा स्टार खेळाडू सूर्यकुमार यादवने इंस्टाग्रामवर शेअर केलेल्या दोन स्टोरी मात्र चर्चेचा विषय ठरल्या.
