'माझ्या वडिलांना स्क्रिनवर दाखवा, तुम्हाला...', शतकानंतर अभिषेक शर्माची विनंती; सामनावीर पुरस्कारही बहिणीला समर्पित

आयपीएल २०२६ मध्ये ३१ व्या सामन्यात सनरायझर्स हैदराबादने दिल्ली कॅपिटल्सला पराभूत करत चौथा विजय मिळवला आहे. राजीव गांधी आंतरराष्ट्रीय स्टेडियमवर मंगळवारी झालेल्या या सामन्यात सनरायझर्स हैदराबादने दिल्ली कॅपिटल्सला ४७ धावांनी हरवलं. या सामन्याचा हिरो ठरला अभिषेक शर्मा. त्याने जबरदस्त शतक झळकावत ऑरेंज कॅपच्या शर्यतीत थेट १७ व्या स्थानावरून अव्वल क्रमांकावर झेप घेतली.