Jonty Rhodes IPL 2024 : बॉल बॉयचा भन्नाट कॅच... टिप्स देणाऱ्या जाँटीने थोपटली पाठ; Video व्हायरल

Jonty Rhodes IPL 2024 : लखनौ सुपर जायंट्सचा फिल्डिंग कोच जाँटी रोड्स हे जगात कुठंही चांगली फिल्डिंग झाली की फार उत्साहाने त्याचं कौतुक करतात. कोलकाता नाईट रायडर्सर आणि लखनौ सुपर जांयट्स यांच्यातील सामन्यात इडन गार्डनवरील एका बॉल बॉयने एक चांगला झेल घेतला. त्यानंतर जाँटी देखील त्या मुलाचं कौतुक करताना दिला. याचबरोबर जाँटीने सामन्यानंतर या बॉल बॉयची भेट घेतली.

सामन्यानंतर जाँटी या युवा मुलाला भेटला. त्यावेळी त्याने काही फिल्डिंग टिप्स देखील दिल्या. जाँटी म्हणाला की, 'हा अप्रतिम कॅच होता. तुम्ही तुमचे डोळे बॉलवर ठेवा. तू तेच केलस.'

यानंतर या युवा मुलाने जाँटी त्याला का आवडतो हे सांगितलं. पुढे जाँटीनंही 2020 मधील एका कॅम्पमध्ये त्याला दिलेल्या टिप्सची आठवण करून दिली. तो म्हणला की, 'झेल घेताना बॉडी पोजिशन महत्वाची असते. हातासोबतच तुमच्या पायाची हालचालही महत्वाची आहे. हे तू लक्षात ठेवलस याचा मला आनंद आहे.'

बॉल बॉयने मार्कस स्टॉयनिसचा घेतला कॅच घेतला. वैभव अरोराच्या गोलंदाजीवर स्टॉयनिसने अप्पर कट मारला होता. थर्ड मॅनच्या दिशेने चेंडू सीमारेषेबाहेर गेला अन् या मुलानं तो तत्परतेनं कॅच केला. या कॅचनंतर कॅमेरामॅननं कॅमेरा जाँटी रोड्सकडं पॅन केला होता. त्यावेळी जाँटी टाळ्या वाजवताना दिसला.

(IPL 2024 Marathi News)