इंडियन प्रीमियर लीग २०२५ स्पर्धेत सोमवारी (२१ एप्रिल) कोलकाता नाईट रायडर्सला गुजरात टायटन्सविरुद्ध ३९ धावांनी पराभवाचा धक्का बसला. हा गतविजेत्या कोलकाताचा ८ सामन्यांमधील पाचवा पराभव होता.
त्यामुळे आता कोलकातासमोरील आव्हान आणखी कठीण झाले आहे. गेल्या काही सामन्यांप्रमाणे या सामन्यातही कोलकाताचे फलंदाज धावा करताना संघर्ष करताना दिसले. या सामन्यानंतर कोलकाताचा कर्णधार अजिंक्य रहाणेने प्रतिक्रिया दिली असून पराभवामागील कारणही स्पष्ट केले आहे.
