सबस्क्राईब करा
- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
- Games esakal
KKR Captain Shreyas Iyer: इंडियन प्रीमियर लीग 2024 स्पर्धेतीधल 31 वा सामना कोलकाता नाईट रायडर्स विरुद्ध राजस्थान रॉयल्स संघात झाला. मंगळवारी (17 एप्रिल) कोलकाताच्या घरच्या मैदानावर म्हणजेच ईडन गार्डन्सवर झालेल्या या सामन्यात राजस्थान रॉयल्सने 2 विकेट्सने रोमांचक विजय मिळवला.
दरम्यान, कोलकाताला या सामन्यातील शेवटच्या चेंडूवर पराभवाचा धक्का तर बसलाच, पण आता कर्णधार श्रेयस अय्यरवरही मोठी कारवाई करण्यात आली आहे. या सामन्यात कोलकाता संघाकडून निर्धारित वेळेत षटके पूर्ण करण्यात न आल्याने बीसीसीआयकडून श्रेयस अय्यरला 12 लाखांचा दंड ठोठावण्यात आला आहे.
आयपीएलच्या प्रसिद्धी पत्रकात माहिती देण्यात आली आहे की आयपीएलच्या आचार संहितेतील षटकांच्या गतीबाबतच्या नियमाचा भंग करण्याची ही कोलकाता नाईट रायडर्स संघाची पहिलीच वेळ आहे. त्याचमुळे यावेळी कर्णधार श्रेयस अय्यरवर 12 लाखांचा दंड ठोठावण्याच आला आहे.
आयपीएलच्या नियमानुसार षटकांची गती कमी राखल्याची चूक संघाकडून पहिल्यांदा झाल्यास कर्णधारावर 12 लाखांचा दंड आकारला जातो. तसेच दुसऱ्यांदा अशी चूक झाल्यास कर्णधारावर 24 लाखांचा आणि संघातील इतर खेळाडूंवरही 6 लाख किंवा सामना शुल्कातील 25 टक्के, जी रक्कम कमी असेल, तो दंड ठोठावला जातो.
त्याचबरोबर तिसऱ्यांदा अशी चूक झाल्यास कर्णधाराला 30 लाखांच्या दंडाबरोबरच एका सामन्याची बंदीही घातली जाते. तसेच संघातील इतर खेळाडूंवरही 12 लाख किंवा सामना शुल्कातील 50 टक्के, जी रक्कम कमी असेल, तो दंड ठोठावला जातो.
दरम्यान, आयपीएल 2024 मध्ये अशी कारवाई होणारा श्रेयस पहिलाच कर्णधार नाही, यापूर्वी शुभमन गिल, ऋषभ पंत या कर्णधारांवरही ही कारवाई झाली आहे.
मंगळवारी झालेल्या सामन्यात कोलकाता नाईट रायडर्सने प्रथम फलंदाजी करताना 20 षटकात 6 बाद 223 धावा केल्या होत्या. कोलकाताकडून सुनील नारायणने 56 चेंडूत 109 धावांची खेळी केली. तसेच अंगक्रिश रघुवंशीने 30 धावा केल्या.
याव्यतिरिक्त कोणालाही 30 धावांचा आकडा पार करता आला नाही. राजस्थानकडून अवेश खान आणि कुलदीप सेन यांनी प्रत्येकी 2 विकेट्स घेतल्या.
त्यानंतर राजस्थान रॉयल्सने 20 व्या षटकाच्या शेवटच्या चेंडूवर 224 धावांचे लक्ष्य पूर्ण केले. राजस्थानकडून जॉस बटलरने 60 चेंडूत 107 धावांची नाबाद खेळी केली. तसेच रियान परागने १४ चेंडूत ३४ धावांची खेळी केली, तर रोवमन पॉवेलने 13 चेंडूत 26 धावांची खेळी केली.
कोलकाताकडून हर्षित राणा, सुनील नारायण आणि वरुण चक्रवर्तीने प्रत्येकी 2 विकेट्स घेतल्या.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
