चेन्नई सुपर किंग्स संघ सध्या चांगल्या फॉर्ममध्ये नाही. त्यांना रविवारी मुंबई इंडियन्सने वानखेडे स्टेडियमवर झालेल्या इंडियन प्रीमियर लीग २०२५ मधील ३८ व्या सामन्यात ९ विकेट्सने पराभूत केले. चेन्नईचा हा यंदाच्या हंगामातील ८ सामन्यांमधील ६ वा पराभव आहे. त्यामुळे ५ वेळच्या विजेत्या चेन्नईच्या डोक्यावर सध्या प्लेऑफच्या शर्यतीतून बाहेर पडण्याची टांगती तलवार आहे.
चेन्नईचे आता केवळ ६ सामने बाकी असून जर प्लेऑफमध्ये पोहोचायचे असेल, तर त्यांना सर्व ६ सामन्यात विजय मिळवावा लागणार आहे. याबाबत आता मुंबई इंडियन्सविरुद्धच्या पराभवानंतर चेन्नईचा कर्णधार एमएस धोनीनेही प्रतिक्रिया दिली आहे.
