इंडियन प्रीमियर लीग २०२५ स्पर्धेत शुक्रवारी (२८ मार्च) चेन्नई सुपर किंग्सला घरच्या मैदानात पराभवाचा धक्का बसला. चेपॉक स्टेडियमवर झालेल्या रॉयल चॅलेंजर्स बंगळुरूने त्यांच्याविरुद्ध ५० धावांनी विजय मिळवला.
बंगळुरूने तब्बल १७ वर्षांनंतर या मैदानात विजय मिळवण्याचा कारनामा केला आहे. दरम्यान, चेन्नईला जरी पराभवाचा धक्का बसला असला तरी माजी कर्णधार एमएस धोनीने या सामन्यात खेळताना मोठा विक्रम केला आहे.
