इंडियन प्रीमियर लीग २०२५ स्पर्धेचा विजेता कोण होणार, याची उत्सुकता आता शिगेला पोहचली आहे. १० संघांमधून आता अंतिम तीन संघ निश्चित झाले आहे. रॉयल चॅलेंजर्स बंगळुरूने तर अंतिम सामन्यातही स्थान मिळवले आहे.
आता रविवारी (१ जून) अंतिम सामन्यात पोहणारा दुसरा संघ निश्चित होणार आहे. रविवारी पंजाब किंग्स आणि मुंबई इंडियन्स संघात क्वालिफायर २ सामना खेळला जाणार आहे. या सामन्यात विजय मिळवणारा संघ बंगळुरूविरुद्ध अंतिम सामन्यात खेळणार आहे, तर पराभूत होणाऱ्या संघाचे आव्हान संपेल.
