इंडियन प्रीमियर लीग (IPL) म्हटलं की खेळाडू आणि संघांसोबतच चर्चेत असतात ते संघमालक. बऱ्याच संघांचे संघमालक त्यांच्या संघांना पाठिंबा देण्यासाठी स्टेडियममध्ये उपस्थित असतात. त्यामुळे त्यांचे हावभाव, त्यांच्या रिऍक्शन्स हे चर्चेचे विषय ठरतात.
अशीच एक संघमालकीण म्हणजे अभिनेत्री प्रीती झिंटा. ती पंजाब किंग्स संघाची संघमालकिण आहे. ती नेहमीच पंजाबच्या संघाला पाठिंबा देण्यासाठी स्टेडियममध्ये उपस्थित असते. ती सामन्यानंतर खेळाडूंना भेटून त्यांना प्रोत्साहन देतानाही दिसते. तसेच ती सोशल मीडियावरही सक्रिय असते.
