RR vs RCB : राजस्थानने आरसीबीचा विजयी रथ रोखला; एलिमिनेटरमधूनच केलं पॅक अप

सिराजने 18 व्या षटकात दोन विकेट्स घेत राजस्थानचं टेन्शन वाढवलं होतं. मात्र रोव्हमन पॉवेलने फर्ग्युसनला दोन चौकार मारत सामन्यावर पकड निर्माण केली. त्यानंतर षटकाच्या शेवटच्या चेंडूवर षटकार मारत क्वालिफायर 2 साठी संघाला पात्र केलं.

सिराजने रियान परागला 36 धावांवर बाद करत राजस्थानला पाचवा धक्का दिला.

जुरेल बाद झाल्यानंतर आलेल्या हेटमायरने धडाकेबाज फलंदाजी करत राजस्थानला विजयाच्या जवळ नेऊन पोहचवलं. रियान परागने अँकर इनिंग खेळत एक बाजू लावून धरली.

रियान पराग आणि ध्रुव जुरेलने चौथ्या विकेटसाठी 25 धावांची भागीदारी रचली. मात्र विराट कोहलीने एक उत्कृष्ट थ्रो करत जुरेलला धावबाद केलं. राजस्थानला आता विजयासाठी 41 चेंडूत 61 धावांची गरज आहे.

राजस्थानच्या यशस्वी जयस्वालने 45 धावांचे योगदान दिले. त्याच्या या खेळीच्या जोरावर राजस्थानने 10 षटकात 86 धावा केल्या. मात्र आरसीबीने राजस्थानला यशस्वी, संजू आणि टॉम असे तीन धक्के दिले.

आरसीबीने शेवटच्या षटकात 13 धावा करत 20 षटकात 8 बाद 172 धावांपर्यंत मजल मारली. आरसीबीसमोर विजयासाठी 173 धावांचे आव्हान ठेवले.

महिपाल लोमरोरने 17 चेंडूत 32 धावा करत आरसीबीला 150 धावांच्या पार पोहचवलं. मात्र आवेश खानने स्लॉग ओव्हरमध्ये चांगला मारा करत आरसीबीला दोन धक्के दिले. आरसीबीच्या 19 षटकात 7 बाद 159 धावा झाल्या होत्या.

आर अश्विनने 13 व्या षटकात आरसीबीला दोन तगडे धक्के दिले. त्याने 27 धावा करणाऱ्या ग्रीनला बाद केलं. पाठोपाठ पुढच्याच चेंडूवर ग्लेन मॅक्सवेलला देखील बाद करत हॅट्ट्रिक चान्स निर्माण केला. आरसीबीची अवस्था 14 षटकात 4 बाद 97 धावा अशी झाली.

अश्विनच्या गोलंदाजीवर ध्रुव जुरेलने रजत पाटीदारचा झेल सोडला. त्यानंतर पाटीदार आणि कॅमरून ग्रीन यांनी आरसीबीला 12 षटकात 95 धावा करत डाव सावरण्याचा प्रयत्न केला.

युझवेंद्र चहलने विराट कोहलीला 24 चेंडूत 33 धावा करून बाद झाला. विराट बाद झाला त्यावेळी आरसीबीच्या 2 बाद 56 धावा झाल्या होत्या.

ट्रेंट बोल्टने आरसीबीला पहिला धक्का दिला. त्याने 17 धावांवर कर्णधार फाफ ड्युप्लेसिसला बाद केलं. ड्युप्लेसिस बाद झाला त्यावेळी आरसीबीच्या 4.4 षटकात 1 बाद 37 धावा झाल्या होत्या.

राजस्थान रॉयल्सने नाणेफेक जिंकून प्रथम गोलंदाजी करण्याचा निर्णय घेतला. शामरोन हेटमायर राजस्थानच्या संघ परतला आहे. आरसीबीने देखील त्यांच्या संघात कोणताही बदल केलेला नाही.

आरसीबी आणि आरआर यांच्यात आतापर्यंत 28 सामने झाले आहेत. त्यातील 15 सामन्यात आरसीबीने तर 13 सामन्यात राजस्थानने विजय मिळवला. 2020 पासून आरसीबीने आपला दबदबा निर्माण केला असून त्यांनी राजस्थानला 7 वेळा पराभूत केलं आहे. तर राजस्थानला फक्त 3 वेळाच आरसीबीला मात देता आली.

बाद फेरीत आरसीबीने आतापर्यंत 9 सामने गमावले असून 6 सामन्यात विजय मिळवला आहे. तर राजस्थानने चार सामन्यात विजय अन् पाच सामन्यात पराभव पाहिला आहे.

राजस्थान रॉयल्सने रॉयल चॅलेंजर बंगळुरूचा 4 विकेट्सनी पराभव करत प्ले ऑफमधील आपलं आव्हान जिवंत ठेवलं. आऱसीबीने सलग सहा सामना जिंकून प्ले ऑफ गाठलं होतं. मात्र राजस्थानने त्यांचा विजयी रथ रोखला. राजस्थानने आरसीबीचे 173 धावांचे आव्हान 19 षटकात 6 फलंदाजांच्या मोबदल्यात पार केलं.

राजस्थानकडून यशस्वी जयस्वालने सर्वाधिक 45 धावा केल्या. त्यानंतर रियान परागने 36 धावा करत डाव सावरला होता. हेटमायरने 14 चेंडूत 26 तर रोव्हमन पॉवेलने 6 चेंडूत 16 धावा करत राजस्थानला सामना जिंकून दिला.

आयपीएलच्या एलिमिनेटर सामन्यात राजस्थान रॉयल्सने नाणेफेक जिंकून प्रथम गोलंदाजी करत रॉयल चॅलेंजर्स बंगळुरूला 172 धावात रोखलं. राजस्थानकडून आवेश खानने 3 तर आर. अश्विनने 2 विकेट्स घेतल्या. आरसीबीकडून रजत पाटीदारने 34 तर विराट कोहलीने 33 धावा केल्या. महिपाल लोमरोरने 17 चेंडूत 32 धावा करत आरसीबीला 172 धावांपर्यंत पोहचवलं.