RCB : 'आरसीबीशी 'प्रामाणिक' तर मुलीशी देखील प्रामाणिक' | RCB Female Fan proposing an RCB fan Boyfriend During CSK vs RCB Match | Sakal
sakal

बोलून बातमी शोधा

RCB Female Fan proposing an RCB fan Boyfriend During CSK vs RCB Match

RCB सोबत 'प्रामाणिक' तर मुलीशी पण प्रामाणिक' थेट स्टेडिअममध्ये प्रपोज

आयपीएलच्या 15 व्या हंगामात रॉयल चॅलेंजर बेंगलोरने (Royal Challenger Bangalore) चेन्नई सुपर किंग्जला 13 धावांनी हरवले. मात्र सामना सुरू असताना एक अजब प्रकार घडला. एका आरसीबीच्या महिला चाहतीने (RCB Female Fan) सामना सुरू असतानाचा आपल्या बॉयफ्रेंडला गुडघ्यावर बसून प्रपोज (propose) केले. सहसा मुलं मुलींसमोर गुडघे टेकतात. मात्र यावेळी उलटा प्रकार घडला. मुलीने स्टँडमधून मैदानात प्रेमाचा चौकार मारला. तिने मुलाला गुडघ्यावर बसून प्रपोज केले. मुलाने देखील होकार देत रिंग बोटात घातली. सध्या सोशल मीडियावर याचा फोटो चांगलाच व्हायरल होत आहे.

हेही वाचा: RCB vs CSK : आरसीबीचा विजय; चेन्नईच्या प्ले ऑफची आशा मावळली

या प्रेमळ घटनेचा फोटो वासिम जाफरनेही (Wasim Jaffer) शेअर केला. त्याने हा फोटो शेअर करून त्याला 'स्मार्ट मुलीने आरसीबी फॅनला प्रपोज केलं. जर तो आसीबीचा प्रामाणिक चाहता असले तर तो नक्कीच तिचा प्रामाणिक जोडीदार होणार. मस्त प्रपोज करायला चांगला दिवस निवडला.' असे कॅप्शन दिले.

हेही वाचा: VIDEO : साधे कॅच सोडणाऱ्या, धोनीचा ओरडा खाणाऱ्या खेळाडूने पकडला भन्नाट कॅच

रॉयल चॅलेंजर बेंगलोरने चेन्नई सुपर किंग्जचा 13 धावांनी पराभव करत चेन्नईच्या प्ले ऑफच्या स्वप्नांवर जवळपास पाणी फिरवले. आरसीबीने ठेवलेल्या 174 धावांच्या आव्हानाचा पाठलाग करताना चेन्नईला 160 धावांपर्यंतच मजल मराता आली. चेन्नईकडून डेवॉन कॉनवॉयने 56 धावांची झुंजार खेळी करत प्रतिकार केला. मात्र आरसीबीच्या फिरकी आणि वेगावान गोलंदाजांनी भेदक मारा करत सीएसकेला सातत्याने धक्के दिले. हर्षल पटेलने चांगला मारा करत 3 विकेट घेतल्या. आरसीबीकडून महिपाल लोमरोरने सर्वाधिक 42 तर कर्णधार फाफ ड्युप्लेसिसिने 38 धावा केल्या. त्यांना दिनेश कार्तिकने 17 चेंडूत 26 धावा चोपून चांगली साथ दिली.

Web Title: Rcb Female Fan Proposing An Rcb Fan Boyfriend During Csk Vs Rcb Match Wasim Jaffer Share Photo

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top