RCB vs CSK Security Breach : आरसीबी-चेन्नई सामन्यात सुरक्षा भेदण्याचं प्लॅनिंग? सोशल मीडियावर Video होतोय व्हायरल

RCB vs CSK Security Breach : आयपीएल 2024 च्या प्ले ऑफच्या दृष्टीकोणातून आरसीबी आणि सीएसके यांच्यातील सामना हा हाय व्होल्टेज होणार आहे. दोन्ही संघांमध्ये प्ले ऑफचं तिकीट गाठण्यासाठी चुरस असणार आहे. आरसीबीने सलग पाच सामने जिंकून जोरदार मुसंडी मारली आहे. तर चेन्नईने देखील प्ले ऑफची दावेदारी प्रबळ केली आहे. मात्र त्यांना गेल्या पाच सामन्यात तीन पराभव सहन करावे लागले आहेत.

या सामन्याकडे क्रिकेट चाहत्यांचे लक्ष लागून राहिले आहे. या सामन्यानंतरच एका संघाचं प्ले ऑफचं स्वप्न भंगणार आहे. दरम्यान, आरसीबी आणि सीएसकेच्या सामन्यावेळी सुरक्षा भेदण्याचं प्लॅनिंग सुरू असल्याचा एक व्हिडिओ सोशल मीडियावर व्हायरल झाला. एका चाहत्याने आपण चिन्नास्वामी स्टेडियमधील सुरक्षा भेदून मैदानात प्रवेश करणार असल्याचा दावा केला आहे.

दरम्यान, क्रिकेट चाहते या व्हिडिओनंतर सतर्क झाले असून त्यांनी बंगळुरू पोलिसांना याबाबत खबदारी घेण्याची विनंती देखील केली आहे.