RCB vs CSK Video : आरसीबीची दाणादाण! शिवम दुबेच्या सिक्सरकडं बघतचं राहीले प्रेक्षक

रॉयल चॅलेंजर्स बगळुरू म्हणजेच आरसीबी आणि चेन्नई सुपर किंग्स म्हणजे सीएसके यांच्यात आयपीएल २०२३ मधील २४ वा सामना एम चिन्नास्वामी स्टेडियमवर खेळला जात आहे. यासामन्यादरम्यान सीएसकेने पहिल्यांदा फलंदाजी करताना शिवम दुबेने आयपीएल २०२३ मधील दुसरा सर्वात लांब छक्का मारला आहे.

हर्षल पटेलच्या गोलंदाजीवर दुबेने तब्बल १११ मीटल लांबीचा षटकार लगावला. याआधी त्याने १०१ मीटर लांब सिक्स लगावला होता. यापूर्वी आयपीएल २०२३ मधील सर्वात दूरवर मारलेला सिक्स फाफ डु प्लेसिसने ११५ मिटर मारला आहे.

शिवम दुबेने मारलेला हा सिक्स सीएसकेच्या फलंदाजी दरम्यान १३ व्या ओव्हरमध्ये हर्षल पटेलच्या दुसऱ्या ओव्हरमध्ये लगावला. यॉर्कर टाकण्याच्या प्रयत्नात हर्षल पटेलने दुबेला फुलटॉस बॉल टाकला. या बॉलवर डावखुरा फलंदाज असलेल्या दुबेने १११ मिटर लांबीचा सिक्स लगावला. हा शॉट पाहून आरसीबीच्या खेळाडूंसह कंमेंटेटर्स देखील हैराण होते.

मॅचमध्ये काय झालं?

या सामन्यात आरसीबीने टॉस जिंकून पहिल्यांदा गोलंदाजीचा निर्णय घेतला. फाफ डु प्लेसिसचा हा निर्णय संघासाठी म्हणावा तसा फायदेशीर ठरला नाही. सीएसकेने त्यांच्या डावात आरसीबीसमोर धावांचा डोंगर उभा केला. सीएसकेने २० षटकात सह गडी गमावून २२६ धावांचा डोंगर उभा केला. याचा पाठलाग करताना बातमी लिहीपर्यंत आरसीबीने चार ओव्हरमध्ये दोन विकट्स गमावून ४५ धावा केल्या आहेत.