इंडियन प्रीमियर लीग २०२५ मध्ये अनेक युवा खेळाडूंनी आपली छाप पाडली आहे. यामध्ये लखनौ सुपर जायंट्सकडून खेळणाऱ्या २५ वर्षीय मिस्ट्री स्पिनर दिग्वेश राठीचाही समावेश आहे. तो त्याच्या गोलंदाजीसोबतच त्याच्या सेलिब्रेशनसाठीही चर्चेत आहे.
त्याने नुकतीच ४ एप्रिलला मुंबई इंडियन्सविरुद्ध लखनौ सुपर जायंट्सला १२ धावांनी विजय मिळवून देण्यात मोलाचा वाटा उचलला होता. त्याने या सामन्यात २१ धावाच देत एक विकेट घेतली होती. त्यामुळे त्याला सामनावीर पुरस्कारही मिळाला होता.
