Secret to Ashutosh Vipraj’s Power Hitting esakal
IPL
IPL 2025 : आशुतोष-विप्राजच्या ताबडतोड फलंदाजीचं रहस्य काय? फाफ डुप्लेसीने दिलं मजेशीर उत्तर; म्हणाला...
सामनानंतर झालेल्या पत्रकार परिषदेत फाफ डुप्लेसीने आशुतोष आणि विप्राजच्या खेळीचं कौतुक केलं. यावेळी दोघांच्या फटकेबाजीचं रहस्य काय? असा प्रश्न त्याला विचारण्यात आला.
आयपीएलमध्ये मंगळवारी दिल्ली कॅपिटल्स विरुद्ध लखनऊ सुपर जायंट्स यांच्यात सामना झाला. यावेळी दिल्लीने एक गडी राखत लखनऊवर विजय मिळवला. अगदी शेवटच्या षटकापर्यंत पोहोचलेल्या या सामन्यात आशुतोष शर्मा आणि विप्राज निगम यांनी जोरदार फटकेबाजी करत दिल्लीच्या विजयात महत्त्वाची भूमिका बजावली. दरम्यान, विप्राज आणि आशुतोष यांच्या फटकेबाजीवर आता फाफ डुप्लेसीने एक मजेशीर टीप्पणी केली आहे.