सबस्क्राईब करा
South Africa Women Cricket team tour of India: भारत दौऱ्यावर दक्षिण आफ्रिकेचा महिला क्रिकेट संघ जून २०२४ मध्ये येणार आहे. या दौऱ्यात भारत आणि दक्षिण आफ्रिका महिला संघांमध्ये तीन वनडे, एक कसोटी आणि तीन टी20 सामने खेळवण्यात येणार आहेत.
या दौऱ्याला 13 जूनपासून सुरुवात होणार आहे. दक्षिण आफ्रिकेचा हा दौरा 9 जुलै रोजी संपेल. 13 जूनला बेंगळुरूमध्ये दक्षिण आफ्रिका संघ सराव सामना खेळेल. त्यानंतर भारत आणि दक्षिण आफ्रिका यांच्यात आधी 16 जूनपासून वनडे मालिका होईल, तर नंतर एकमेव कसोटी सामना खेळवला जाईल आणि शेवटी टी20 मालिका होईल.
वनडे मालिका बेंगळुरूमध्ये खेळवली जाणार आहे, तर कसोटी आणि टी20 मालिका चेन्नईमध्ये खेळली जाणार आहे. तसेच गेल्या सात महिन्यातील भारतीय महिला संघाचा हा तिसरा कसोटी सामना असणार आहे. तसेच हा कसोटी सामना चार दिवसीय असणार आहे.
भारतीय महिला संघाने डिसेंबर 2023 मध्ये इंग्लंड आणि ऑस्ट्रेलिया विरुद्ध एक-एक कसोटी सामना खेळला होता.
वनडे मालिका -
16 जून - पहिला वनडे सामना, बेंगळुरू (वेळ - दु. 1.30 वाजता)
19 जून - दुसरा वनडे सामना, बेंगळुरू (वेळ - दु. 1.30 वाजता)
23 जून - तिसरा वनडे सामना, बेंगळुरू (वेळ - दु. 1.30 वाजता)
कसोटी सामना -
28 जून ते 1 जुलै - एकमेव कसोटी सामना, चेन्नई (वेळ - स. 9.30 वाजता)
टी20 मालिका
5 जुलै - पहिला टी20 सामना, चेन्नई (वेळ - संध्या. 7.00 वाजता)
7 जुलै - दुसरा टी20 सामना, चेन्नई (वेळ - संध्या. 7.00 वाजता)
9 जुलै - तिसरा टी20 सामना, चेन्नई (वेळ - संध्या. 7.00 वाजता)
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.