Kaviya Maran VIDEO : फारुकीनं विकेट घेतली अन् काव्या ताईनं मारली उडी... मात्र कृणालनं आनंदावर फिरवलं पाणी

Kaviya Maran IPL 2023 : लखनौ सुपर जायंट्सने सनराईजर्सला 121 धावात रोखल्यावर ते सामना सहज जिंकतील असे वाटले होते. लखनौचे सलामीवीर कायल मेयर्स आणि केएल राहुल यांनी सुरूवात देखील चांगली केली. मात्र सनराईजर्स हैदराबादच्या फझलहक फारूकीने सलामीवीर मेयर्सला 13 धावांवर बाद करत लखनौला पहिला धक्का दिला.

या विकेटनंतर लो स्कोरिंग मॅच टाईट होईल असे वाटत होते. याच आनंदात सनराईजर्स हैदराबादच्या मालकीणबाई काव्या मारनने आनंदाने उडी मारली. तिचा हा व्हिडिओ सध्या सोशल मीडियावर चांगलाच व्हायरल होत आहे. मेयर्सनंतर आलेला दीपक हुड्डा देखील 7 धावांची भर घालून परतला. त्यामुळे तर काव्याच्या मनात विजयाचे लड्डू फुटले असतील.

मात्र या सगळ्या आनंदावर लखनौ सुपर जायंट्सचा अष्टपैलू खेळाडू कृणाल पांड्याने पाणी फेरले. गोलंदाजीत 18 धावात तीन बळी टिपणाऱ्या कृणालला फलंदाजीत देखील बढती मिळाली. याचा फायदा उचलत कृणालने 23 चेंडूत आक्रमक 34 धावांची खेळी केली. त्याने केएल राहुल सोबत तिसऱ्या विकेटसाठी 55 धावांची महत्वपूर्ण भागीदारी रचत संघाला शंभरी पार करून दिले. याचबरोबर हैदराबादच्या बाऊन्स बॅकचे सर्व दरवाजे त्याने बंद करून टाकले.

(Sports Latest News)

हेही वाचा : सामान्यांचा पैसा सुरक्षित ठेवण्यासाठीच Virtual Currency करकक्षेत