IPL 2025 Sunrisers Hyderabad home game controversy : इंडियन प्रीमियर लीग २०२५ हंगामात वादाला सुरुवात होण्याचे संकेत मिळत आहेत. आज विशाखापट्टणम येथे सनरायझर्स हैदराबाद त्यांचा घरचा सामना खेळतोय आणि दिल्ली कॅपिटल्सविरुद्ध SRH ने नाणेफेक जिंकून प्रथम फलंदाजीचा निर्णय घेतला आहे. पण, आयपीएलच्या याही पर्वात वादाचे पडसाद उमटू लागले आहेत आणि हा वाद हैदराबाद फ्रँचायझीशी निगडित आहे. SRH आपले घरचे सामने राजीव गांधी आंतरराष्ट्रीय स्टेडियममधून दुसऱ्या ठिकाणी हलवण्याचा गंभीरपणे विचार करत आहे. त्यामुळे आता BCCI ची डोकेदुखी वाढण्याची शक्यता बळावली आहे.