सबस्क्राईब करा
- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
- Games esakal
Royal Challengers Bengaluru vs Sunrisers Hyderabad : इंडियन प्रीमियर लीग 2024 स्पर्धेत 30 वा सामना सोमवारी (15 एप्रिल) रॉयल चॅलेंजर्स बंगळुरू विरुद्ध सनरायझर्स हैदराबाद संघात झाला.
एम चिन्नास्वामी स्टेडियमवर होत असलेल्या या सामन्यात हैदराबादने प्रथम फलंदाजी करताना 20 षटकात 3 बाद 287 धावा केल्या. यासह बेंगळुरूसमोर 288 धावांचे आव्हान ठेवले.
हैदराबादच्या फलंदाजांनी 20 षटकात 287 धावा उभारताना मिळून 19 चौकार आणि 22 षटकार ठोकले. यासह हैदराबादने अनेक विक्रमांना गवसणी घातली आहे. या आयपीएल इतिहासातील एका डावात संघाने उभारलेल्या सर्वोच्च धावा ठरल्या आहेत.
यापूर्वीही हा विक्रम हैदराबादच्या नावावर होता. हैदराबादने याच हंगामात मुंबई इंडियन्सविरुद्ध 277 धावा केल्या होत्या.
287/3 - सनरायझर्स हैदराबाद विरुद्ध रॉयल चॅलेंजर्स बेंगळुरू; बेंगळुरू, 2024
277/3 - सनरायझर्स हैदराबाद विरुद्ध मुंबई इंडियन्स; हैदराबाद, 2024
272/7 - कोलकाता नाईट रायडर्स विरुद्ध दिल्ली कॅपिटल्स; विशाखापट्टणम 2024
263/5 - रॉयल चॅलेंजर्स बेंगळुरू विरुद्ध पुणे वॉरियर्स इंडिया; बेंगळुरू, 2013
257/7 - लखनौ सुपर जायंट्स विरुद्ध पंजाब किंग्स; मोहाली 2023
314/3 - नेपाळ विरुद्ध मंगोलिया; हांगझोऊ 2023
287/3 - सनरायझर्स हैदराबाद विरुद्ध रॉयल चॅलेंजर्स बेंगळुरू; बेंगळुरू, 2024
278/3 - अफगाणिस्तान विरुद्ध आयर्लंड; डेहराडून, 2019
278/4 - झेक प्रजासत्ताक विरुद्ध तुर्की; इल्फोव्ह काउंटी 2019
277/3 - सनरायझर्स हैदराबाद विरुद्ध मुंबई इंडियन्स; हैदराबाद, 2024
22 षटकार - सनरायझर्स हैदराबाद विरुद्ध रॉयल चॅलेंजर्स बेंगळुरू; बेंगळुरू, 2024
21 षटकार - रॉयल चॅलेंजर्स बेंगळुरू विरुद्ध पुणे वॉरियर्स इंडिया; बेंगळुरू, 2013
20 षटकार - रॉयल चॅलेंजर्स बेंगळुरू विरुद्ध गुजरात लायन्स; बेंगळुरू, 2016
20 षटकार - दिल्ली कॅपिटल्स विरुद्ध गुजरात लायन्स; दिल्ली, 2017
20 षटकार - मुंबई इंडियन्स विरुद्ध सनरायझर्स हैदराबाद ; हैदराबाद, 2024
या सामन्यात हैदराबादकडून ट्रेविस हेडने सर्वाधिक 41 चेंडूत सर्वोच्च 102 धावांची खेळी केली. या खेळीत त्याने 9 चौकार आणि 8 षटकार मारले. त्याच्याबरोबर हेन्रिक क्लासेनने 31 चेंडूत 67 धावा केल्या. या खेळीत त्याने 2 चौकार आणि 7 षटकार ठोकले.
या दोघांव्यतिरिक्त अभिषेक शर्मा (34), एडेन मार्करम (32) आणि अब्दुल सामद (37) यांनीही मोलाचे योगदान दिले. त्यामुळे हैदराबादला एवढी मोठी धावसंख्या उभी करणे शक्य झाले.
बेंगळुरूकडून गोलंदाजीत लॉकी फर्ग्युसनने 2 विकेट्स घेतल्या, तर रिस टोप्लीने १ विकेट घेतली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
