सबस्क्राईब करा
Sunrisers Hyderabad Vs Punjab Kings IPL 2024 : तीन वर्षांनंतर पहिल्यांदा प्ले-ऑफ गाठल्यानंतर आता दुसरा क्रमांक मिळवण्याचे ध्येय हैदराबाद संघाने बाळगले आहे. उद्या त्यांचा सामना पंजाब संघाविरुद्ध होत आहे. पंजाबसाठी हा सामना नववा क्रमांक टाळण्यासाठी असणार आहे.
पहिल्या दोन संघांत स्थान मिळवले तर कॉलिफायर-१ हा सामना खेळायला मिळतो आणि त्यामुळे अंतिम सामना गाठण्याची आणखी एक संधी मिळत असते. त्यासाठी हैदराबाद संघासाठी आता दुसरा क्रमांक महत्त्वाचा ठरत आहे. सध्या ते १५ गुणांसह तिसऱ्या क्रमांकावर आहेत आणि दुसऱ्या स्थानासाठी त्यांची राजस्थानविरुद्ध शर्यत आहे.
पॅट कमिन्सच्या नेतृत्वाखाली खेळणाऱ्या हैदराबादकडे संभाव्य विजेता संघ म्हणूनही पाहिले जात आहे. झंझावाती फलंदाजी हे त्यांचे प्रमुख अस्त्र आहे. काही दिवसांपूर्वी गुजरातविरुद्धचा सामना पावसामुळे वाया गेला होता. त्यामुळे त्यांना केवळ एका गुणावर समाधान मानावे लागले होते.
हैदराबादकडे धोकादायक संघ म्हणून पाहिले जात असले तरी गेल्या सहा सामन्यांत त्यांची कामगिरी अपेक्षेनुसार झालेली नाही. यात केवळ दोनच विजय त्यांच्या हाताशी लागले तर तीन सामन्यांत पराभव झाला आणि एक सामना पावसामुळे वाया गेला. मात्र लखनौविरुद्ध झालेल्या अखेरच्या सामन्यात त्यांनी १० विकेटने दणदणीत विजय साकार केला होता. ट्रॅव्हिस हेड आणि अभिषेक शर्मा यांनी दीडशेच्या पुढील धावसंख्या १० षटकांच्या आतच पार केली होती.
ट्रॅव्हिड हेडने २०१.८९ च्या स्ट्राईक रेटने ११ सामन्यातून ५३३ धावा केल्या आहे. ऑरेंज कॅपसाठी तो विराट कोहलीच्या (६६१) थोडा पाठीमागे आहे. हेड आणि अभिषेक शर्मा या सलामीवीरांचा अपवाद वगळता हैदराबादची मधली फळी तेवढी भरवशाची नाही. हेन्रिच क्लासेनकडे सातत्याचा अभाव आहे, तर नितीश कुमार रेड्डी काही सामन्यांत फारच चांगला खेळलेला आहे.
पंजाबने गेल्या सामन्यात राजस्थान रॉयल्सचा पराभवाचा धक्का दिला असला तरी हंगामी कर्णधार सॅम करनसह इतर इंग्लिश खेळाडू मायदेशी परतले आहेत. त्यामुळे जितेश शर्मा उद्या नेतृत्व करणार आहे. मूळ कर्णधार शिखर धवन खांदा दुखापतीमुळे केव्हाच संघाबाहेर गेलेला आहे.
पंजाब संघाकडे आता एक-दोनच परदेशी खेळाडू आहेत. त्यामुळे उद्याच्या सामन्यात भारतीय खेळाडूंवरच त्यांची मदार असणार आहे. शशांक सिंग आणि आशुतोष शर्मा हैदराबादच्या गोलंदाजांविरुद्ध कशी कामगिरी करतात याची उत्सुकता असेल.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.