Virat Kohli SRH vs RCB : 'विराट' खेळी करत कोहलीला आज संजू सॅमसनचा मोठा विक्रम मोडण्याची संधी

SRH vs RCB Virat Kohli eyes huge IPL record
SRH vs RCB Virat Kohli eyes huge IPL record esakal

SRH vs RCB Virat Kohli eyes huge IPL record : आयपीएलच्या 17 व्या हंगामात आज 41 वा सामना हा सनराईजर्स हैदराबाद आणि रॉयल चॅलेंजर बंगळुरू यांच्यात होत आहे. या सामन्याकडं हंगामातील सर्वात तगडी बॅटिंग आणि हंगामातील सर्वात दुबळी गोलंदाजी यांच्यातील सामना असं देखील पाहिलं जात आहे. गुणतालिकेत सध्या तळात असलेल्या आरसीबीसाठी विराट कोहलीच काय तो एक दिलासा आहे. त्यानं जर आज मोठी खेळी केली तर आरसीबीचा हैदराबादच्या रनगाड्यासमोर थोडा निभाव लागेल.

SRH vs RCB Virat Kohli eyes huge IPL record
T20 World Cup 2024 : जर सात फलंदाज WC जिंकून देऊ शकत नाही तर... भारतीय संघनिवडीपूर्वी सिद्धूनं दिला द्रविडला मोलाचा सल्ला

दरम्यान, विराट कोहलीने आजच्या सामन्यात हैदराबादविरूद्ध जर मोठी खेळी केली तर तो राजस्थान रॉयल्सचा कर्णधार संजू सॅमसनचा मोठा विक्रम मोडण्याची शक्यता आहे. विराट कोहलीने आजच्या सामन्यात जर 81 धावा केल्या तर तो संजूला हैदराबादविरूद्ध आयपीएल इतिहासात सर्वाधिक धावा करणाऱ्या फलंदाजांच्या यादीत मागं टाकू शकतो.

सध्या सॅमसन 791 धावा करून या यादीत अव्वल स्थानावर आहे. दुसऱ्या स्थानावर विराट कोहली आहे. त्याने हैदराबादविरूद्ध आतापर्यंत 711 धावा केल्या आहेत. आजच्या सामन्यात विराट कोहलीकडे संजूचा हा विक्रम मोडण्याची चांगली संधी आहे.

SRH vs RCB Virat Kohli eyes huge IPL record
SRH vs RCB Live IPL 2024 : आजच्या सामन्यात मोठा विक्रम होणार, हैदराबादचा 'रन'गाडा आरसीबी कसा रोखणार?

विराट कोहली हा हैदराबादविरूद्ध कायम चांगला खेळत आला आहे. विशेष करून विराट कोहली हैदराबादमध्ये हैदराबादविरूद्ध चांगल्या धावा करतोय. हैदराबादमध्ये गेल्या दोन सामन्यात विराट कोहलीने चेस करताना दोन शतकी खेळी केल्या होत्या. आजच्या सामन्यातही आरसीबी फॅन्सच्या विराटकडून अशाच काहीशा अपेक्षा असतील.

हैदराबाद विरूद्ध आरसीबी यांच्यातील आतापर्यंत खेळलेल्या सामन्यांचा इतिहास पाहिला तर या दोघांनी आतापर्यंत एकमेकांविरूद्ध 23 आयपीएल सामने खेळले आहेत. त्यातील 10 सामन्यात आरसीबी तर 12 सामन्यात हैदराबाद जिंकली आहे. एक सामना टाय झाला होता.

(IPL 2024 Marathi News)

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com