MS Dhoni IPL 2023 : 'कर्णधार नसेल तर तो संघातही...', धोनीवर भारतीय दिग्गज खेळाडूने केले मोठे वक्तव्य

MS Dhoni IPL 2023 : धोनीचा आयपीएल कारकिर्दीतील हा शेवटचा हंगाम आहे का?. या प्रश्नाचे उत्तर अद्याप सापडलेले नाही. मात्र या सीझनमध्ये इम्पॅक्ट प्लेअर नियम लागू झाल्यामुळे धोनी पुढच्या सीझनमध्येही पिवळ्या जर्सीत दिसू शकतो असे बोलले जात आहे. धोनीच्या इम्पॅक्ट प्लेअरच्या नियमाबाबत आता माजी भारतीय खेळाडू वीरेंद्र सेहवागने मोठे वक्तव्य केले आहे.

सेहवागने याबाबत 'क्रिकबझ'वर बोलताणा म्हणतो की, तुम्ही तंदुरुस्त असाल तर (40 व्या वर्षी क्रिकेट खेळणे) अवघड नाही. एमएस धोनीने यावर्षी फारशी फलंदाजी केलेली नाही. तो त्याच्या गुडघ्याची दुखापत वाढवत नाही. अनेकदा तो शेवटच्या दोन षटकांत येतो. या मोसमात त्याने खेळलेले सर्व चेंडू जोडले तर ते 40-50 होतील.

माजी फलंदाजाने पुढे खेळाडूंच्या इम्पॅक्ट प्लेअरच्या नियमाबद्दल सांगितले आणि धोनीसाठी ते चांगले का नाही हे स्पष्ट केले. सेहवाग म्हणाला, इम्पॅक्ट प्लेयर नियम धोनीला लागू होत नाही. कारण तो फक्त कर्णधारपदासाठी खेळत आहे. कर्णधारपदासाठी त्याला मैदानात उतरावे लागेल. इम्पॅक्ट प्लेअरचा नियम अशा व्यक्तीसाठी आहे जो क्षेत्ररक्षण करत नाही तर फलंदाजी करतो किंवा ज्या गोलंदाजाला फलंदाजी करण्याची आवश्यकता नाही. धोनी कर्णधार नसेल तर तो चेन्नई सुपर किंग्ज संघाच्या प्लेइंग इलेव्हनमध्येही नसेल.

माजी भारतीय फलंदाज पुढे म्हणाला, “धोनीला 20 षटकांसाठी क्षेत्ररक्षण करावे लागेल. जर तो कर्णधार नसेल तर तो इम्पॅक्ट प्लेअर म्हणून खेळणार नाही. मग तुम्ही त्याला मार्गदर्शक किंवा प्रशिक्षक किंवा क्रिकेटचा दिग्दर्शक म्हणून पहाल.

चेन्नई सुपर किंग्जचा कर्णधार महेंद्रसिंग धोनी या हंगामात उत्कृष्ट फॉर्ममध्ये दिसला आहे. 15 सामन्यांच्या 11 डावांमध्ये फलंदाजी करताना धोनीने 34.67 च्या सरासरीने आणि 185.71 च्या स्ट्राइक रेटने 104 धावा केल्या. यामध्ये त्याची सर्वोच्च धावसंख्या नाबाद 32 अशी आहे.