Jasprit Bumrah : 'काहीवेळा शांत राहणंच चांगलं...' बूमबूम बूमरा नाराज, MI मधून जाणार बाहेर? चर्चांना उधाण

Jasprit Bumrah Instagram Story : आयपीएल 2024 साठी अजून चार-पाच महिने आहेत. पण त्याआधी रिटेंशन यादी जाहीर करण्याच्या शेवटच्या दिवशी मुंबई आणि गुजरात यांच्यात हार्दिक पांड्याच्या ट्रेड ऑफवरून खूप गोंधळ झाल्याचे पाहायला मिळाला.

गुजरात टायटन्सचा दोन हंगामासाठी कर्णधार असलेल्या हार्दिक पांड्याबद्दल आधी बातम्या आल्या होत्या की, तो मुंबई इंडियन्समध्ये परतणार आहे. यानंतर गुजरात टायटन्सने शेअर केलेल्या रिटेन केलेल्या खेळाडूंच्या यादीत हार्दिकचे नाव पाहून सर्वांनाच धक्का बसला. राखून ठेवलेल्या खेळाडूंची अंतिम यादी सादर होईपर्यंत हार्दिक मुंबई इंडियन्समध्ये परतला होता.

पण या सगळ्या गोंधळात वेगवान गोलंदाज जसप्रीत बुमराह नाराज दिसत आहे आणि मुंबई इंडियन्समधून बाहेर जाऊ शकतो. कारण जसप्रीत बुमराहने इंस्टाग्रामवर एक पोस्ट शेअर केली आहे, ज्यानंतर असा अंदाज चाहते लावत आहे. बुमराहने इंस्टाग्राम स्टोरीवर एक कोट शेअर केला आहे, ज्यामध्ये लिहिले आहे, 'कधीकधी शांत राहणे हा सर्वोत्तम उत्तर असते.

जसप्रीत बुमराह सहसा सोशल मीडियापासून खुप लांब राहतो, परंतु यावेळी त्याने इन्स्टाग्राम स्टोरी पोस्ट केली आहे, ज्याने विचार करण्यास भाग पाडले आहे की, बुमराह कशामुळे गप्प बसला आहे? बुमराहने त्याच्या स्टोरी पोस्ट कोणत्याही मुद्द्याबद्दल काहीही सांगितले नसले तरी, त्याच्यासोबत काहीतरी घडले आहे हे निश्चित आहे, ज्यावर तो गप्प बसून प्रतिक्रिया देत आहे.

मात्र, सोशल मीडियावर क्रिकेट चाहत्यांनी बुमराह याविषयी काय मौन बाळगले आहे, असा अंदाज बांधण्यास सुरुवात केली आहे. काही लोक म्हणतात की, मुंबई इंडियन्स संघात काहीतरी गडबड सुरू आहे. रोहितनंतर कर्णधारपदासाठी बुमराह हाच मुख्य पर्याय होता, मात्र आता अचानक पांड्या आला. या कारणामुळे बुमराह नाराज झाला आहे. काही लोक म्हणतात की, मुंबई इंडियन्सचे कुटुंब आता एकत्र राहिलेले नाही, त्यात फुट पडली आहे.