बुम बुम बुमरा...नेटमध्ये भन्नाट मारा करू लागला 

विशाखापट्टणम : भरवशाची वेगवान गोलंदाजी कमकूवत होत असताना टीम इंडियासाठी दिलासा देणारी घटना घडली आहे. भारतीय संघ चातकाप्रमाणे वाट पहात असलेला जसप्रित बुमारा पुनरागमनाच्या वाटेवर आहे. टीम इंडियासह आज त्याने नेटमध्ये सराव केला आणि रिषभ पंतला भन्नाट वेगात गोलंदाजी केली. 

ताज्या बातम्यांसाठी डाऊनलोड करा ई-सकाळचे ऍप

प्रामुख्याने वेगवान गोलंदाज दुखापतीनंतर तुदुरुस्त होत असताना ते आंतरराष्ट्रीय सामने खेळण्यास सज्ज झाले आहेत की नाही याची चाचणी संघाबरोबरच्या सरावात ट्रेनर निक वेब घेतात. विश्‍वकरंडक क्रिकेटनंतर आंतरराष्ट्रीय क्रिकेटपासून दूर असलेला बुमरा चार महिन्यानंतर पूर्ण जोशात नेटमध्ये गोलंदाजी करू लागला आहे. त्यामुळे न्यूझीलंड दौऱ्यासाठी त्याची निवड अपेक्षित आहे. 

Video : जसप्रीत बुमराची आई सांगतेय त्याच्या संघर्षाची कहाणी

खेळाडूंची तंदुरुस्ती तपासण्याचे धोरण टीम इंडियाच्या संघ व्यवस्थापनाने बदलले आहे. त्यानुसार बुमारा आणि पृथ्वी शॉ भारतीय संघाच्या सरावात उपस्थित होते. बुमारला सरावाची जर्सी देण्यात आली. रोहित शर्मा, केएल राहुल, विराट कोहली यांनी सरावातून विश्रांती घेतली त्यामुळे नेटमध्ये सराव करणाऱ्या रिषभ पंत, मनिष पांडे आणि मयांक अगरवाल यांनी बुमराने पूर्ण जोशात गोलंदाजी केली. यावेळी मुख्य प्रशिक्षक रवी शास्त्री आणि निवड समितीचे सदस्य देबांग गांधी उपस्थित होते. बुमराचे काही वेगवान चेंडू पंत आणि अगरवालला खेळणे कठिण जात होते.