इंडियन प्रीमियर लीग 2022 मध्ये ऑरेंज कॅप जिंकणाऱ्या इंग्लंडचा यष्टीरक्षक फलंदाज बटलरची बॅट शांत होण्याच नाव काय घेत नाही. नेदरलँड्सविरुद्धच्या तीन सामन्यांच्या एकदिवसीय आंतरराष्ट्रीय मालिकेत त्याने अशीच फलंदाजी करत अनेक मोठे विक्रम केले आहे. या मालिकेमध्ये बटलरने महेंद्रसिंग धोनीचा १७ वर्षे जुना विक्रमही मोडला आहे. एकदिवसीय मालिकेत यष्टीरक्षकाकडून सर्वाधिक षटकार मारण्याचा विश्वविक्रम आता बटलरच्या नावावर आहे, याआधी हा विक्रम धोनीच्या नावावर होता.(Jos Buttler Broke 17 Year Old Record MS Dhoni)
बटलरने नेदरलँड्सविरुद्धच्या तीन सामन्यांच्या मालिकेत एकूण 19 षटकार मारले आणि त्याने धोनीचा १७ वर्षे जुना विक्रमही मोडला. बटलर आता धोनीच्या दोन षटकारांनी पुढे गेला. धोनीने 2005 मध्ये श्रीलंकेविरुद्धच्या मालिकेत 17 षटकार मारले होते. एबी डिव्हिलियर्सने 2015 मध्ये वेस्ट इंडिजविरुद्ध 16 षटकार ठोकले होते. या यादीत बटलरही चौथ्या क्रमांकावर आहे. बटलरने 2019 मध्ये वेस्ट इंडिजविरुद्धच्या मालिकेत 14 षटकार मारले होते.
बटलरने या मालिकेतील तीन सामन्यांत 185.07 च्या स्ट्राइक रेटने एकूण 248 धावा केल्या. या मालिकेत तो एकदाही बाद झाला नाही. बटलरने 19 षटकारांसह 14 चौकारही लगावले. या शानदार कामगिरीसाठी बटलरला मालिकावीर म्हणूनही गौरवण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
