Rahul Tripathi : 13 सामने बेंचवर बसल्यानंतर राहुलने अखेर इंडियाची कॅप घातली

Rahul Tripathi India Vs Sri Lanka 2nd T20 : भारत आणि श्रीलंका यांच्यातील दुसऱ्या टी 20 सामन्यात अखेर पुण्याचा लोकल बॉय राहुल त्रिपाठीला भारताकडून पदार्पण करण्याची संधी मिळाली. तब्बल 13 सामने भारतीय संघासोबत बेंचवर बसून काढलेल्या राहुल त्रिपाठीला आपली गुणवत्ता दाखवून देण्याची संधी मिळाली. राहुल एका बाबतीत खूप लकी ठरला. राहुल आपल्या होम ग्राऊंड पुण्याच्या एमसीए स्टेडियमवर आपले टी 20 पदार्पण करणार आहे.

पहिल्या सामन्यात भारताने फलंदाजीत फारशी चांगली कामगिरी केली नव्हती. मधल्या फळीतील फलंदाज संजू सॅमसन स्वस्तात माघारी गेली होता. मात्र संजू सॅमसनला एका खराब खेळीमुळे बेंचवर बसवण्याची शक्यता नाही. तर संजू सॅमसनला सामन्यादरम्यान गुडघ्याला दुखापत झाली होती. त्याचा गुडघा सुजला होता. त्यामुळे त्याच्या गुडघ्याचे स्कॅन करण्यात आले. त्यानंतर दुसऱ्या टी 20 सामन्यात संजू सॅमसनच्या जागी राहुल त्रिपाठीला टी 20 पदार्पण करण्याची संधी देण्यात आली.

राहुल त्रिपाठीने पदार्पण केल्यापासून गेले 13 सामने बेंचवरच बसून होता. राहुल त्रिपाठीसाठी फलंदाजीचा चौथा क्रमांक अगदी योग्य आहे. मात्र तो सलामीला देखील खेळू शकतो.

राहुल त्रिपाठी या मालिकेत होता संघासोबत

• भारत विरूद्ध आयर्लंड टी 20 (2 सामने)

• भारत विरूद्ध झिम्बाब्वे वनडे (3 सामने)

• भारत विरूद्ध दक्षिण आफ्रिका (3 सामने)

• भारत विरूद्ध बांगलादेश (3 सामने)