पुणे : टीम इंडिया वनडे संघाचा कॅप्टन विराट कोहली (Virat Kohli) आणि भारताला आयसीसीची सर्व जेतेपदे मिळवून देणारा कॅप्टन कूल एम.एस. धोनी (MS Dhoni) यांचा एक व्हिडिओ सध्या इंटरनेटवर खूप व्हायरल होत आहे. ज्यामध्ये विराट कोहली आणि एमएस धोनी सुपरहिट बॉलिवूड गाणे गाताना दिसत आहेत. कोहली आणि धोनी यांचा हा व्हिडिओ इडिट करण्यात आलेला असून तो सध्या सोशल मीडियात धुमाकूळ घालत आहे.
प्रसिद्ध गायक किशोरकुमार आणि ज्येष्ठ अभिनेते सुनील दत्त यांचं पडोसन चित्रपटातील 'मेरे सामने वाली खिडकी मे एक चांद का टुकडा रहता है' हे गाणं तर सगळ्यांना माहित आहे. याच गाण्यावर धोनी आणि कोहली यांनी ताल धरल्याचे दाखविण्यात आले आहे. किशोर कुमार यांच्या भूमिकेत आहे धोनी, तर सुनील दत्त यांच्याजागी विराटची वर्णी लागली आहे.
हा व्हिडिओ जेव्हा तुम्ही पाहाल तेव्हा तुम्हीदेखील पोट धरून हसाल. जो कोणी हा व्हिडिओ पाहत आहे, त्याच्या तोंडून हेच ऐकू येत आहे ते म्हणजे, 'ज्यानं कुणी हे बनवलंय त्यानं कमाल बनवलंय. भावा एक नंबर, व्हिडिओ इडिटरला एखादा पुरस्कार देऊन टाका,' असंही काही जणांचं म्हणणं आहे.
दरम्यान, गेल्या आठवड्यात विराट कोहली आणि अभिनेत्री अनुष्का शर्मा या दाम्पत्याला मुलगी झाली. विरुष्का आणि दोघांच्या चाहत्यांनीही आनंद साजरा केला. त्यानंतर आता विराट आणि धोनीच्या या व्हिडिओमुळे त्यांचे चाहते कमालीचे आनंदी झाले आहेत. या व्हिडिओला खूप लोकप्रियता मिळत आहे.
- क्रीडा क्षेत्रातील आणखी बातम्या वाचण्यासाठी येथे ► क्लिक करा
(Edited by: Ashish N. Kadam)
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.