Cricket Records: 2 षटके 0 धावा 8 विकेट्स! क्रिकेट विश्वात खळबळ उडवून देणारा हा इंग्लिश खेळाडू आहे तरी कोण?

Cricket Records : क्रिकेटमध्ये रोज मोठमोठे रेकॉर्ड बनतात आणि मोडतात. कधी फलंदाज तर कधी गोलंदाज, कधी क्षेत्ररक्षण... क्रिकेटच्या मैदानावर दिवसभर काही ना काही तरी पराक्रम करतात. अलीकडेच एका युवा गोलंदाजाने असा विक्रम केला आहे ज्याचा कोणी विचारही केला नव्हता. एका गोलंदाजाने आपल्या षटकातील प्रत्येक चेंडूवर विकेट घेत आंतरराष्ट्रीय क्रिकेटमध्ये खळबळ उडवून दिली आहे.

क्रिकेटच्या खेळात गोलंदाजाला हॅटट्रिक घेणे म्हणजेच सलग तीन विकेट्स घेणे खूप अवघड असते. पण ऑलिव्हर व्हाईटहाऊस या 12 वर्षीय इंग्लिश गोलंदाजाने आपल्या षटकातील प्रत्येक चेंडूवर विकेट घेत खळबळ उडवून दिली आहे. म्हणजेच या गोलंदाजाला एकाच षटकात दुहेरी हॅट्ट्रिक घेण्यात यश आले.

या सामन्यात ऑलिव्हर व्हाइटहाऊसने दोन षटके टाकली. त्याच्या दोन्ही षटकांत फलंदाजांना एकही धाव काढता आली नाही. त्याचबरोबर त्याने एकूण 8 विकेट्स घेतल्या. मात्र तो आंतरराष्ट्रीय सामना नव्हता, त्यामुळे ऑलिव्हरला तितकीशी प्रसिद्धी मिळाली नाही. या सामन्यात ऑलिव्हर ब्रॉम्सग्रोव्ह क्रिकेट क्लबकडून खेळत होता.

ब्रॉम्सग्रोव्ह क्रिकेट क्लबचे प्रशिक्षक ऑलिव्हरची कामगिरी पाहून आश्चर्यचकित झाले. ते म्हणाला की अशी कामगिरी पाहून माझा अजून विश्वास बसत नाही.