Champions Trophy: आशिया कपनंतर पाकिस्तानला आणखी एक धक्का, ICCने चॅम्पियन्स ट्रॉफीचे यजमानपदही हिसकावले?

ICC Champions Trophy 2025 : पाकिस्तान क्रिकेट बोर्ड अजूनही आशिया चषकाच्या यजमानपदावरून वाद करत आहे. या स्पर्धेचे यजमानपद त्यांना मिळाले आहे, मात्र बीसीसीआयने पाकिस्तानला संघ पाठवण्यास नकार दिला आहे. यानंतर पीसीबीचे अध्यक्ष नजम सेठी यांनी हायब्रीड मॉडेलवर स्पर्धा आयोजित करण्याचा प्रस्ताव आशियाई क्रिकेट परिषदेला दिला.

बांगलादेश, अफगाणिस्तान आणि श्रीलंका क्रिकेट बोर्डांनी हायब्रीड मॉडेल नाकारले आहे. दरम्यान, आता बातम्या येत आहेत की आयसीसी 2025 मध्ये पाकिस्तानमध्ये होणारी चॅम्पियन्स ट्रॉफीची जागा बदल्या जाऊ शकते. पाकिस्तानसाठी हा मोठा धक्का असेल.

2025च्या चॅम्पियन्स ट्रॉफीचे यजमानपद पाकिस्तानऐवजी वेस्ट इंडिज आणि अमेरिकेला मिळू शकते. यापूर्वी 2024 मध्ये वेस्ट इंडिज-अमेरिकेत होणारा टी-20 विश्वचषक इंग्लंडमध्ये हलवण्याची चर्चा होती. अमेरिकेतील क्रिकेटची मैदाने अद्याप आयसीसीच्या मानकांसाठी योग्य नाहीत.

टी-20 विश्वचषक अमेरिकेतून हलवण्यात आल्याने त्याला चॅम्पियन्स ट्रॉफीच्या तयारीसाठी एक वर्षाचा कालावधी मिळणार आहे. आयसीसी स्पर्धा रद्द केल्याच्या बदल्यात पाकिस्तानला काही नुकसानभरपाई मिळू शकते.

टी-20 वर्ल्ड आणि चॅम्पियन्स ट्रॉफीच्या स्थळ बदलण्याबाबत विविध मंडळांमध्ये चर्चा सुरू आहे. यामध्ये आयसीसीचाही समावेश आहे. आयसीसीचा पुढचा प्रसारकही याला सहमत आहे. 2007 मध्ये वेस्ट इंडिजमध्ये एकदिवसीय विश्वचषकाचे सामने खेळले गेले. त्यानंतर टीम इंडिया पहिल्याच फेरीत बाहेर पडली आणि आयसीसीचे मोठे नुकसान झाले. पण ब्रॉडकास्टर्सना भारतीय प्राइम टाइमला प्राधान्य हवे आहे. लक्षात घ्या की 1996 च्या विश्वचषकानंतर पाकिस्तानमध्ये एकही ICC स्पर्धा खेळली गेली नाही.

ज्या देशांना आयसीसी स्पर्धेचे यजमानपद मिळाले आहे, त्या देशांनी अद्याप यजमानपदावर स्वाक्षरी केलेली नाही. जुलैमध्ये डर्बन येथे होणाऱ्या वार्षिक बैठकीत ही प्रक्रिया सुरू केली जाऊ शकते. आयसीसी पाकिस्तान क्रिकेट बोर्डाला यासाठी तयार करू शकते. त्याऐवजी त्याला भरपाई दिली जाऊ शकते.