Pat Cummins : T20 वर्ल्ड कपच्या तोंडावर ऑस्ट्रेलियन टीममध्ये खांदेपालट

Pat Cummins ODI Captain : टी-20 विश्वचषक 2022 हंगाम सुरू होण्यापूर्वीच ऑस्ट्रेलियन संघात मोठा बदल केला आहे. मात्र हा बदल वनडे फॉरमॅटसाठी करण्यात आला आहे. स्टार वेगवान गोलंदाज पॅट कमिन्सकडे ऑस्ट्रेलियन वनडे संघाचे कर्णधारपद सोपवण्यात आले आहे. कर्णधारपदासोबतच एकदिवसीय विश्वचषक जिंकण्याची जबाबदारीही पॅट कमिन्सच्या खांद्यावर असेल. पॅट कमिन्स आधीच ऑस्ट्रेलियन कसोटी संघाचे कर्णधारपद सांभाळत आहेत.

मायदेशात सुरू होणाऱ्या टी-20 विश्वचषकानंतर ऑस्ट्रेलियन संघाला इंग्लंडविरुद्ध एकदिवसीय मालिकाही खेळायची आहे. ही होम सीरिज असणार आहे. या मालिकेतून 29 वर्षीय पॅट कमिन्स वनडे फॉरमॅटमध्ये कर्णधारपदाचा पदार्पण करणार आहे. तर टी-20 आंतरराष्ट्रीय फॉरमॅटमध्ये ऍरॉन फिंच ऑस्ट्रेलियन संघाचे कर्णधारपद सांभाळत आहे. याआधी ऑस्ट्रेलियन वनडे संघाचे कर्णधारपदही आरोन फिंच सांभाळत होते. गेल्या महिन्यात त्याने एकदिवसीय क्रिकेटमधून निवृत्ती घेतली होती.

फिंचच्या निवृत्तीनंतर चाहत्यांना वाटत होत की, स्टीव्ह स्मिथ किंवा डेव्हिड वॉर्नर यांच्याकडे कर्णधारपद दिले जाऊ शकते. पण हे होऊ शकले नाही. त्याच्या कर्णधारपदावरील आजीवन बंदी अजूनही लागू असल्याने तो कर्णधारपदाच्या शर्यतीतून बाहेर पडला आहेत. जर त्याला कर्णधारपद सोपवण्यासाठी नियमांमध्ये बरेच बदल करावे लागले असते. ऑस्ट्रेलिया क्रिकेट संघाच्या निवड समितीचे प्रमुख जॉर्ज बेली म्हणाले, पॅट कमिन्सने कसोटी संघाचे कर्णधारपद स्वीकारल्यापासून उत्कृष्ट कामगिरी केली आहे.