Team India: राहुल द्रविडची कोचिंग कारकीर्द संपली? वर्ल्ड कपसाठी BCCI चा नवीन प्लान तयार | Sakal
sakal

बोलून बातमी शोधा

Indian Cricket Team Coach Rahul Dravid

Team India: राहुल द्रविडची कोचिंग कारकीर्द संपली? वर्ल्ड कपसाठी BCCI चा नवीन प्लान तयार

Indian Cricket Team Coach Rahul Dravid : भारतीय संघ नवीन वर्षाची सुरुवात श्रीलंकेविरुद्धच्या मालिकेने करणार आहे. यादरम्यान तीन सामन्यांची टी-20 आणि एकदिवसीय मालिका खेळवल्या जाणार आहे, जी 3 जानेवारीपासून मुंबईत सुरू होईल. भारतीय क्रिकेट नियामक मंडळाने दोन्ही मालिकेसाठी संघाची निवड केली आहे. हार्दिक पांड्या टी-20 फॉरमॅटमध्ये संघाचे कर्णधारपद सांभाळणार आहे. दरम्यान बीसीसीआय आणखी एका योजनेवर काम करत असल्याची बातमी आली आहे.

हेही वाचा: IND vs SL: निवडकर्त्यांच्या निर्णयामुळे 'या' खेळाडूची टी-20 कारकीर्द संपली!

बीसीसीआयने श्रीलंकेविरुद्धच्या टी-20 मालिकेसाठी संघाची निवड केली आहे. रोहित शर्मा, केएल राहुल आणि विराट कोहली या वरिष्ठ खेळाडूंना विश्रांती देण्यात आली आहे. निवडीसोबतच बीसीसीआयने या फॉरमॅटमध्ये मोठ्या बदलांवर काम करत असल्याचे संकेत दिले आहेत. हार्दिक पांड्याला टी-20 मध्ये नियमित कर्णधार बनवले जाऊ शकते आणि त्याची सुरुवात श्रीलंका मालिकेपासूनच होईल अशी अपेक्षा आहे.

हेही वाचा: Women's T20 WC 2023 : नववर्षात भारत पाक सामन्याची मेजवाणी; टी 20 वर्ल्डकपसाठी भारतीय महिला संघाची घोषणा

कर्णधारासोबतच बीसीसीआय आता कोचिंग स्तरावरही बदल पाहत आहे. इनसाइडस्पोर्टच्या वृत्तानुसार बीसीसीआय आधीच टी-20 मध्ये राहुल द्रविडचा पर्याय शोधत आहे, ज्यामध्ये परदेशी प्रशिक्षकाचा समावेश आहे. मात्र क्रिकेट सल्लागार समितीशी चर्चा केल्यानंतरच अंतिम निर्णय घेतला जाईल. बीसीसीआयच्या एका वरिष्ठ अधिकाऱ्याचा हवाला देत अहवालात दावा करण्यात आला आहे की, आता बोर्डाचे संपूर्ण लक्ष टी-20 वर नाही तर एकदिवसीय विश्वचषकावर आहे.

हेही वाचा: Rishabh Pant : कसोटी मालिका महत्त्वाची; गुडघ्याची ताकद वाढवा; BCCI ने 'फिट' पंतला सोडले फर्मान!

वृत्तानुसार बीसीसीआयच्या एका वरिष्ठ अधिकाऱ्याने सांगितले की, आम्ही अनेक पर्याय शोधत आहोत. आमच्या प्लॅन्समध्ये राहुल सर्वात वर आहे पण त्याच्यावरही कामाचा भार आहे. आमचे संपूर्ण लक्ष घरच्या मैदानावर होणाऱ्या एकदिवसीय विश्वचषकावर आहे. आपल्याला विश्वचषक जिंकायचा आहे, हा संदेश सर्वांना स्पष्ट आहे. त्यामुळे स्पष्ट कारणांमुळे सध्या टी-20 वर लक्ष केंद्रित केलेले नाही. विविध चर्चा होत आहेत परंतु अंतिम निर्णयासाठी सीएसी आणि निवडकर्त्यांना अंतिम निर्णय घ्यावा लागेल.