Ravindra Jadeja Ranji Trophy : रविंद्र जडेजाचे 'रिकामे' पुनरागमन; पहिल्या दिवशी एकही..

Ravindra Jadeja Ranji Trophy
Ravindra Jadeja Ranji Trophy esakal

Ravindra Jadeja Ranji Trophy : भारतीय संघ जरी सध्या न्यूझीलंडविरूद्ध वनडे आणि टी 20 मालिका खेळत असला तरी सर्वांचे लक्षे फेब्रुवारी महिन्यात ऑस्ट्रेलियाविरूद्ध होणाऱ्या कसोटी मालिकेकडे आहे. भारतीय संघ देखील आपल्या कसोटी संघाला तयार करत आहे. त्याच पार्श्वभूमीवर दुखापतीतून सावरणाऱ्या रविंद्र जडेजाला रणजी ट्रॉफी सामन्यात खेळून त्याचा फिटनेस सिद्ध करण्यास सांगण्यात आले होते.

Ravindra Jadeja Ranji Trophy
Rohit Sharma : धोनी - सचिन करू शकले नाहीत ते रोहितनं करून दाखवलं

सौराष्ट्र आणि तमिळनाडू यांच्यात आजपासून रणजी ट्रॉफीचा सातव्या फेरीतील सामना सुरू झाला. या सामन्यात भारताचा अष्टपैलू खेळाडू रविंद्र जडेजाला सौराष्ट्रचा कर्णधार करण्यात आले होते. मात्र तब्बल 5 महिन्यांनी मैदानावर परतणाऱ्या रविंद्र जडेजासाठी सामन्याचा पहिला दिवस फारसा चांगला गेला नाही.

तमिळनाडून नाणेफेक जिंकून प्रथम फलंदाजी करण्याचा निर्णय घेतला. गोलंदाजी करणाऱ्या सौराष्ट्रने तमिळनाडूला दुसऱ्याच षटकात पहिला धक्का बसला होता. मात्र त्यानंतर तमिळनाडूने डाव सावरला. साई सुदर्शन बाबा अपराजीत यांनी 81 धावांची भागीदारी रचली. ही भागीदारी जडेजाने तोडली. त्याने बाबा अपरातीजला 45 धावांवर बाद केले. मात्र हा रविंद्र जडेजा नव्हता तर तो धर्मेंद्रसिंह जडेजा होता.

त्यानंतर युवराजसिंह दोदियाने साई सुदर्शनला 45 धावांवर बाद करत तामिळनाडूला तिसरा धक्का दिला. या धक्क्यातून सावरत बाबा इंद्रजीत आणि प्रदोष पॉल यांनी संघाचे दीडशतक पार करून दिले. अखेर चिराग जानीने प्रदोषला बाद करत ही जोडी फोडली. यानंतर मात्र इंद्रजीत आणि विजय शंकर यांनी तमिळनाडूची आणखी पडझड होऊ दिली नाही.

Ravindra Jadeja Ranji Trophy
Shubman Gill Babar Azam : विराट सोडा फक्त 21 वनडे खेळलेल्या शुभमन गिलने बाबरला गाठले

तमिळनाडूने पहिल्या दिवशी 90 षटकात 4 बाद 183 धावांपर्यंत मजल मारली. बाबा इंद्रजीत 45 धावा करून नाबाद होता तर विजय शंकर 11 धावा करून नाबाद होता. सौराष्ट्रकडून कर्णधार रविंद्र जडेजाने तब्बल 17 षटके टाकत आपला बॉलिंगचा फिटनेस सिद्ध केला. त्याने 2 षटके निर्धाव देखील टाकले. मात्र त्याला पहिल्या दिवशी एकही विकेट घेण्यात यश आले नाही. सौराष्ट्रकडून चिराग जानीने 2 धर्मेंद्रसिंह जडेजा आणि युवराजसिंह दोदिया यांनी प्रत्येकी 1 विकेट घेतली.

(Sports Latest News)

हेही वाचा : ..या शहरात सापडतात शेकडो रोनाल्डो आणि मेस्सी

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com