Robin Uthappa : उथप्पा काय म्हणतोय; भारत नाही तर पाकिस्तान सेमी फायनल खेळणार!

T20 World Cup Semi Finalist Robin Uthappa Prediction : भारत ऑस्ट्रेलियातीली टी 20 वर्ल्डकपमधील आपला पहिला सामना 23 ऑक्टोबरला पाकिस्तान सोबत खेळणार आहे. दरम्यान, सुपर 12 फेरी सुरू झाल्यानंतर यंदाच्या टी 20 वर्ल्डकपमध्ये कोणते संघ सेमी फायनल गाठतील याबाबत माजी क्रिकेटपटू आणि क्रिकेट पंडित अंदाज वर्तवत आहेत. दरम्यान, भारताचा माजी फलंदाज रॉबिन उथप्पाने वर्तवलेल्या अंदाजामुळे तो चर्चेत आला आहे.

रॉबिन उथप्पाने इएसपीएल क्रिकइन्फोशी बोलतना सांगितले की, 'मी माझे सेमी फायनलिस्ट सांगण्याआधीत स्पष्ट करतो की माझा अंदाज ऐकून भारतीय चाहत्यांना आनंद होणार नाहीये. तरी माझे सेमी फायनलिस्ट हे ऑस्ट्रेलिया, इंग्लंड, पाकिस्तान आणि दक्षिण आफ्रिका असतील.'

दुसरीकडे अनिल कुंबळे, टॉम मूडी, फाफ ड्युप्लेसिस, सॅम बिलिंग्स आणि डॅरेन गंगा यांनी आपल्या सेमी फायनलिस्टमध्ये भारताचा देखील समावेश केला आहे. भारतीय संघ आपली वर्ल्डकप मोहिम 23 ऑक्टोबरला मेलबर्नवर पाकिस्तानशी खेळून सुरू करणार आहे.

वर्ल्डकपला सामोरे जाण्यापूर्वी रोहित शर्माच्या नेतृत्वातील भारतीय संघाने सराव सामन्यात गतविजेत्या ऑस्ट्रेलियाचा 6 धावांनी पराभव करत दमदार सुरूवात केली होती. न्यूझीलंड विरूद्धचा सराव सामना पावसामुळे रद्द करण्यात आला होता. भारतीय संघ ऑस्ट्रेलियातील वातावरणाशी आणि खेळपट्ट्यांशी जुळवून घेण्यासाठी दोन आठवडे आधीत दाखल झाला होता. त्यावेळी संघाने वेस्टर्न ऑस्ट्रेलियाशी दोन सराव सामने देखील खेळले होते.