Ruturaj Gaikwad : ऋतुराज कसोटी मालिकेला मुकला, अभिमन्यू इश्वरनला मिळणार संधी

Ruturaj Gaikwad : दक्षिण आफ्रिका आणि भारत यांच्यातील दोन कसोटी सामन्यांची मालिका 26 डिसेंबरपासून सुरू होत आहे. या मालिकेसाठी सालमीवीर ऋतुराज गायकवाडची निवड करण्यात आली होती. मात्र त्याच्या बोटाला दुखापत झाल्याने कसोटी मालिकेला तो मुकणार आहे. बीसीसीआयने त्याच्या ऐवजी अभिमन्यू इश्वरनची निवड केली आहे.

बीसीसीआयने ऋतुराजच्या रिप्लेसमेंटची अधिकृत घोषणा ट्विट करून केली. या ट्विटमध्ये भारत अ आणि दक्षिण आफ्रिका अ संघात होणाऱ्या मालिकेसाठी देखील संघात बदल केल्याचे जाहीर करण्यात आलं.

वेगवान गोलंदाज हर्षित राणा देखील दक्षिण आफ्रिका अ संघाविरूद्ध खेळल्या जाणाऱ्या चार दिवसाच्या सामन्याला मुकणार आहे. हा सामना 26 डिसेंबरलाच विलोव्हमोर पार्क बेनोनि येथी होणार आहे. राणाचा मांडीचा स्नायू दुखावला आहे. यानंतर निवडसमितीने भारतीय अ संघात अनेक बदल केले.

बदललेल्या भारतीय अ संघ :

अभिमन्यू इश्वरन (कर्णधार), साई सुदर्शन, रजत पाटीदार, सर्फराज खान, तिलक वर्मा, ध्रुव जुरेल, अक्षर पटेल, वॉशिंग्टन सुंदर, आवेश खान, नवदीप सैनी, आकाश दीप, विध्वत करीअप्पा, मानव सुतार आणि रिंकू सिंह.

कुलदीप यादवला भारतीय अ संघातून रिलीज करण्यात आलं आहे.

(Sports Latest News)