Australian Open: सानिया-राजीव राम जोडी पोहचली उपांत्यपूर्व फेरीत

मेलबर्न : ऑस्ट्रेलियन ओपन (Australian Open) टेनिस स्पर्धेत भारताच्या सानिया मिर्झाने (Sania Mirza) मिश्र दुहेरीत (Mix Double) उपांत्य पूर्व फेरीपर्यंत धडक मारली आहे. सानिया मिर्झा आणि भारतीय वंशाचा अमेरिकन पार्टनर राजीव राम (Sania Mirza - Rajeev Ram) यांनी मॅथवे मिडलकूपा आणि एलेन पेरेझ यांचा आज ( दि. २३ ) कोर्ट ३ वर पराभव करत उपांत्य पूर्व फेरी गाठली. (Australian Open Sania Mirza Rajeev Ram reached into mix doubles quarter finals)

सानिया मिर्झा आणि राजीव राम यांनी १ तास २७ मिनिटे रंगलेल्या सामन्यात डच - ऑस्ट्रेलियन (Dutch-Australia pair) जोडीचा ७-६ (४), ६-४ असा पराभव केला. डच - ऑस्ट्रेलियन जोडीने सानिया - राम जोडीविरुद्ध आक्रमक आणि वेगवान सुरूवात केली. पण, इंडो अमेरिकन (Indo - American Pair) जोडीनं सामन्यावर पकड मिळवत टाय ब्रेकरमध्ये गेलेला पहिला सेट ६-७ (४) असा जिंकला.

त्यानंतर सानिया मिर्झा आणि राजीव राम यांनी दुसऱ्या सेटमध्ये डच - ऑस्ट्रेलियन जोडीला कोणतीही संधी न देता सेट ६-४ असा जिंकत सामन्यावर विजयी मोहर उमटवली. सानिया मिर्झा आणि राजीव राम हे दोघेही ग्रँडस्लॅम (Grands Slam) विजेते खेळाडू आहेत.